"Mərcan" toyuqlarının istehsalçısı - yerli şirkət olan "APC" dünyanın ən nüfuzlu sertifikatlaşdırma orqanlarından biri - Malayziyanın "JAKIM" şirkəti tərəfindən verilən HALAL sertifikatını alıb. "APC" şirkətinin yaydığı məlumata görə, bundan sonra "Mərcan" toyuqlarını gözübağlı almaq olar.

"Malayziyanın HALAL məhsullarını sertifikatlaşdırma təcrübəsi dünyada örnək hesab olunur. İslamın dövlət dini statusu olduğu bir ölkə HALAL sertifikatının alınması üçün ciddi meyarları ilə fərqlənir",- "Marja" xəbər verir ki, şirkətin yaydığı məlumatda deyilir.

HALAL - İslamda "istifadəsinə icazə verilən" anlamı kəsb edir. "HALAL" sözü insanın istifadəsi üçün faydalı olan, ekoloji cəhətdən təmiz bir məhsul mənasını daşıyır və yalnız düzgün kəsim üsulu ilə məhdudlaşmır. Beynəlxalq sertifikatlaşdırmaya əsasən, HALAL-toyuq tərkibində GMO olmayan, yalnız təbii yemlərlə, təmiz axar su ilə qidalanmalıdır. Kəsim prosesi əziyyətsiz şəkildə həyata keçirilməlidir. Bütün tələbləri uzun bir siyahıda sadalamayaq. Məhz "Mərcan" toyuqları Azərbaycanda "JAKIM" təşkilatının bütün tələblərinə cavab verən ilk məhsuldur.

Malayziyanın HALAL sertifikatı, "APC" şirkətinin toyuq məhsullarının, beynəlxalq səviyyədə keyfiyyətini təsdiq edən yeganə sənəd deyil. Belə ki, ötən ay ərzində "Mərcan" toyuqları HACCP (təhlükə təhlili və kritik nəzarət nöqtələri) və ISO 22000: 2005 (qida məhsullarının təhlükəsizliyini idarəetmə sistemləri) beynəlxalq sertifikatlarını alıb.

Yerli standartlara gəlincə, "Mərcan" istehsalı və "APC" şirkəti Azərbaycanın Qida Təhlükəsizliyi Agentliyinın sertifikatını əldə edib.

“Çətin və bahalı proses olmasına baxmayaraq, məhsulun istehsal və keyfiyyət sahəsində nailiyyət sertifikatlarını alması bütün şirkətlər üçün vacibdir. Bu sənədlər məhsulun yalnız standartlara uyğunluğunun tanınması deyil, həm də istehlakçıların brendə güvənini artırmaq üçün nəzərdə tutulub. Yerli sertifikasiyaya əlavə olaraq qlobal əhəmiyyətə malik 3 keyfiyyət yoxlamasından keçmək özü artıq məhsulun keyfiyyətinə etibar qazandırır.

Bütün bunlar, malların yaxın gələcəkdə piştaxtaya çatacağı yeni, daha ekoloji cəhətdən təmiz və cəlbedici qablaşdırmada əks olunur. Bu kiçik rebrendinq istehlakçıların diqqətini şırkətin keyfiyyətə, ekoloji təmizliyə və yerli ənənələrə olan qayğısına yönəltmək məqsədi daşıyır”,- "APC" şirkətinin məlumatında qeyd edilir.

2012-ci ildən etibarən, "Mərcan" brendi Azərbaycanın ən mərkəzində - Ucarda toyuq yetişdirir.  

 “YENİ TƏSƏRRÜFATLARIN TİKİNTİSİ PLANLAŞDIRILIR”

Şirkətin məlumatında qeyd edilir ki, "Mərcan" toyuqlarına olan böyük tələbat şirkətin istehsalını genişləndirməyə təkan verib: “Yaxın gələcəkdə yeni təsərrüfatların tikintisi planlaşdırılır. Çünki toyuq ətinin istehsalı - texnologiyaların bir yerdə dayanmadığı böyük bir sənayedir - daim yeni standartlar və texnologiyalar yaranır. Rəqabətə hazır şirkət onlara uyğunlaşmaq məcburiyyətindədir”.