10 bankın mənfəəti artıb

10 bankın mənfəəti artıb

Azərbaycanda fəaliyyət göstərən 30 bankdan 10-nun bu ilin yanvar-sentyabr aylarındakı mənfəəti ötən ilin eyni dövrünə nisbətən çox olub. Bunlar "Bank BTB", "Bank Silk Vey", "Express Bank", "PAŞA Bank", "Xalq Bank", İran Milli Bankının Bakı filialı, "Naxçıvan Bank", "Kapital Bank", "NBC Bank" və "Azərbaycan Sənaye Bankı"dır.

VTB-də minimal faiz dərəcəsi ilə nağd kredit 9.9%-dən

Adı çəkilən banklar arasında ən yüksək dinamika "Bank BTB"də (13,5 dəfə), ən aşağı dinamika isə "Azərbaycan Sənaye Bankı"ında (1,9%) qeydə alınıb.

ELƏ İNDİCƏ 3% ENDİRİMLƏ KREDİT ƏLDƏ ET

8 bankın - "Azər-Türk Bank", "Günay Bank", "Rabitəbank", "Azərbaycan Beynəlxalq Bankı", "Zıraat Bank Azərbaycan", "Yapı Kredi Bank Azərbaycan", "Bank Avrasiya" və "Atabank"ın isə mənfəəti illik müqayisədə azalıb. Ən çox azalma "Atabank"da (94,9%), ən az azalma isə "Azər-Türk Bank"da (6,3%) baş verib.

3 bankın - "Nikoyl Bank", "AGBank" və "Amrah Bank"ın zərəri illik müqayisədə çox olub. Müvafiq olaraq 570,7 dəfə, 3,6 dəfə və 76,6%.

2 bankın - Pakistan Milli Bankının Bakı filialının və "Access Bank"ın isə zərəri illik müqayisədə müvafiq olaraq 39,6% və 75,5% az olub.

6 bank - "AFB Bank", "Bank of Baku", "Bank Respublika", "Muğan Bank", "Turan Bank" və "Unibank" bu ilin ilk 9 ayını mənfəətlə, ötən ilin ilk 9 ayını isə zərərlə, 1 bank - "Bank VTB Azərbaycan" isə bu ilin yanvar-sentyabr aylarını zərərlə, ötən ilin yanvar-sentyabr aylarını isə mənfəətlə başa vurduğu üçün onların maliyyə göstəricilərinin dinamikasını hesablamaq mümkün olmayıb.

Ümumiyyətlə, Azərbaycanda fəaliyyət göstərən 30 bankdan 6-sı bu ilin yanvar-sentyabr aylarını zərərlə başa vurub. Bunlar Pakistan Milli Bankının Bakı filialı, "AGBank", "Amrah Bank", "Access Bank", "Nikoyl Bank" və "Bank VTB Azərbaycan"dır.

Zərərliliyin ən yüksək həddi "Bank VTB Azərbaycan"da (250,847 milyon manat), ən aşağı həddi isə Pakistan Milli Bankının Bakı filialında (64 min manat) qeydə alınıb.

Qalan 24 bank isə 2018-ci ilin ilk 9 ayından mənfəətlə çıxıb. Ən çox mənfəət əldə edən bank "Azərbaycan Beynəlxalq Bankı" (319,129 milyon manat), ən az mənfəət əldə edən bank isə "Turan Bank" (65 min manat) olub.

30.09.2018

Adı	Xalis mənfəət, manatla	Xalis zərər, manatla
1. “AccessBank”	-	11 milyon 837 min
2. “AFB Bank”	7 milyon 461 min	-
3. "AGBank”	-	6 milyon 122 min
4. “Amrahbank”	-	10 milyon 283 min
5. “AtaBank”	86 min	-
6. “Azərbaycan Beynəlxalq Bankı”	319 milyon 129 min	-
7.“Azərbaycan Sənaye Bankı”	4 milyon 705 min	-
8. “Azər-Türk Bank”	120 min	-
9. “Bank Avrasiya”	2 milyon 675 min	-
10. “Bank of Baku”	3 milyon 128 min	-
11. Bank “BTB”	2 milyon 182 min	-
12. “Bank Respublika”	1 milyon 213 min	-
13. “Bank Silk Vey”	28 milyon 180 min	-
14. Bank VTB (Azərbaycan)	-	250 milyon 847 min
15. “Expressbank”	3 milyon 155 min	-
16. “GünayBank“	1 milyon 910 min	-
17. “Xalq Bank”	17 milyon 959 min	-
18. “Kapital Bank”	71 milyon 92 min	-
19. Melli İran Bankı Bakı filialı	1 milyon 800 min	-
20. “Muğanbank”	650 min	-
21. “Naxçıvanbank”	4 milyon 431 min	-
22. “NBCBank”	2 milyon 917 min	-
23. “Nikoyl Bank”	-	79 milyon 901 min
24. Pakistan Milli Bankının Bakı Filialı	-	41 min
25. “PAŞA Bank”	50 milyon 429 min	-
26. “Rabitəbank”	476 min	-
27. “Turanbank”	65 min manat	-
28. “Unibank”	34 milyon 110 min	-
29. “Yapı Kredi Bank Azərbaycan”	2 milyon 705 min	-
30. "Ziraat Bank Azərbaycan"	1 milyon 604 min	-