Fed sədri açıqlamalar verdi - "SÜRPRİZLƏR OLA BİLƏR"
ABŞ Mərkəzi Bankının (Fed) sədri Jerome Powell, Fed-in Sentyabr ay pul siyasəti toplantısının ardından açıqlamalar verdi.
"Marja" xəbər verir ki, ABŞ iqtisadiyyatının güclü olduğunu və inkişafın sağlam bir cığırda irəlilədiyini bildirən Fed sədri, eyni zamanda, yaxşı göstəricilərin hər şeyin mükəmməl olduğu mənasına gəlmədiyini ifadə edib.
Pul siyasətində normallaşmanın faydalı olacağını deyən Pauell, mərhələli faiz artımlarının iqtisadiyyatda davamlılığı təmin etdiyini vurğulayıb.
Ümumiyyətlə, iqtisadi artım mənzərəsinin müsbət olduğuna diqqət çəkən Pauell, "Maliyyə sisteminin bu gün daha güclü olduğuna inamım tamdır",- deyib.
Pauell, Federal Açıq Bazar Komitəsinin (FOMC) inflyasiyanın 2 faiz səviyyəsinə yaxın qalmasını gözlədiyini bildirib və iqtisadi mənzərəyə dair risklərin balanslı olduğunu qeyd edib. Buna qarşı Fed sədri, inflyasiyanın "müxtəlif səbəblərlə" 2%-dən yuxarı qalxa və ya aşağı düşə biləcəyini bildirərək "iqtisadiyyatda sürprizlərin ola biləcəyini" söyləyib.
ABŞ Prezidenti Donald Trampın Fed ilə bağlı açıqlamalarına toxunan Pauell, "Qərarlarımızda siyasi faktorları nəzərə almırıq",- deyib. Fed sədri, mövcud faiz dərəcələrinin iqtisadiyyatının gücünü göstərdiyini deyib.
İstehlakçı və investisiya xərclərinin gözləniləndən sürətlə artdığını qeyd edən Pauell, "Əmək bazarının güclü olmasını gözləyirik", - deyib.
Fed sədriJerome Pauell, faiz artırmağın sürətinə işarə edərək, "Çox yavaş hərəkət etsək, iqtisadiyyat həddindən artıq isinə bilər",- deyib.
Pauell, ABŞ ilə Çin arasındakı "ticarət müharibəsilə" bağlı olaraq "Şirkətlərdən getdikcə artan narahatlıqlar eşidirik",- deyib.
Pauell, daha mühafizəkar bir dünyanın həm ABŞ, həm də digər iqtisadiyyatlar üçün pis olduğunu deyib.
Pauell, neft qiymətlərinin inflyasiya üzərindəki təsirini müvəqqəti gördüklərini ifadə edib.
İqtisadiyyatın zəifləməsi halında faizləri aşağı salacaqlarını deyən Pauell, "2020-ci ildəki şərtlərin necə olacağını bilmək çətindir",- deyib.
Xəbər verdiyimiz kimi bu gün Fed, faizi 25 bənd artıraraq 1.75% -2.00% aralığından 2.00%- 2.25% səviyyəsinə qaldırıb.
Fed-in açıqlamasına görə, Fed rəsmiləri 2018-ci ildə daha bir dəfə də faiz artırılacağını gözləyirlər. Artıq Fed bu il 3 dəfə faiz artırb.
Fed 2019-cu ildə 3 dəfə faiz artırmağı nəzərdə tutur.
Fed 2019-cu ilin sonunda faizin yuxarı həddinin 3,1%-ə, 2020-ci ilin sonunda isə 3,4%-ə çatacağını gözləyir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
11 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
11 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
12 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
12 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 13 saat əvvəl
- 13 saat əvvəl
-
13 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
13 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 15 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır
























