“Xalq Bank” ASC bu ilin I yarısını 12 milyon 318 min manat xalis mənfəətlə başa vurub.

Bankın maliyyə hesabatına görə, bu, ötən ilin eyni dövrü ilə müqayisədə 2,4 dəfə çoxdur.

6 ay ərzində “Xalq Bank”ın faiz gəlirləri 54 milyon 473 min manat, faiz xərcləri 11 milyon 593 min manat, qeyri-faiz gəlirləri 3 milyon 673 min manat, qeyri-faiz xərcləri 19 milyon 312 min manat, xüsusi ehtiyatlara ayırmaları 13 milyon 369 min manat, gözlənilməz gəlirləri 11 min manat, mənfəət vergisi ödəmələri isə 1 milyon 565 min manat təşkil edib.

Bu il iyulun 1-nə “Xalq Bank”ın aktivləri 1 milyard  977 milyon 525 min manat olub ki, bu da illik müqayisədə 7,1% çoxdur. Bunun 1 milyard 291 milyon 369 min manatı müştərilərə verilmiş xalis kreditlərdir. Son 1 ildə Bankın kredit portfeli 0,6% kiçilib.

Hesabat dövründə “Xalq Bank”ın öhdəlikləri 6,5% artaraq 1 milyard 703 milyon 828 min manata çatıb. Bunun 1 milyard 221 milyon 622 min manatı müştərilərdən alınmış depozitlərdir. Son 1 ildə Bankın depozit portfeli 0,7% kiçilib.

Maliyyə qurumu Azərbaycan Mərkəzi Bankı qarşısında öhdəliyini isə 2,2% azaldaraq 30 milyon 792 min manata endirib.

İl ərzində “Xalq Bank”ın balans kapitalı isə 11,6% artaraq 273 milyon 697 min manat təşkil edib.

XXX

“Xalq Bank” 2018-ci ilin birinci yarımilliyini 12 milyon 318 min manat xalis mənfəətlə başa vurub.

Bankdan "Marja"ya daxil olmuş məlumata görə, 2018-ci ilin II rübünün yekunlarına əsasən ASC “Xalq” Bankı  əsas maliyyə göstəriciləri üzrə stabil artım nümayiş etdirib. Bankın aktivləri 2018-ci ilin altı ayı ərzində 9.04% artaraq 1 milyard 977 milyon 520 min manat təşkil edib.

Kredit portfelinin həcmi 2017-ci ilin sonu ilə müqayisədə 1.37% artaraq 1 milyard 330 min manata çatıb. Bu nəticə ölkənin özəl bankları arasında ən yüksək göstəricidir. 

Bankın 1 iyul 2018-ci il tarixinə bankın cəmi kapitalı 273 milyon 693 min manat, nizamnamə kapitalı isə 225 milyon 78 min manat təşkil edir.

Müştərilər tərəfindən yerləşdirilən depozitlərin həcmi cari ilin altı ayı ərzində 4.33% artaraq 1 milyard 221 milyon 620 min  manata çatıb.  

ONLAYN MÜRACİƏT EDİN VƏ 1 GÜNƏ MANAT KREDİTİ ALIN

Əlavə olaraq, cari ilin iyul ayında Moody’s Investors Service beynəlxalq agentliyi Xalq Bankın yerli və xarici valyutada uzunmüddətli öhdəliklər reytinqini B3 səviyyəsində təsdiqləmiş, reytinq üzrə proqnozu “Pozitiv”olaraq müəyyən etmişdir.