Palata bank sektorundakı son vəziyyəti açıqladı - RƏQƏMLƏR

Palata bank sektorundakı son vəziyyəti açıqladı - RƏQƏMLƏR

Palata bank sektorundakı son vəziyyəti açıqladı - RƏQƏMLƏR

31 may 2018-ci il tarixinə Azərbaycanda fəaliyyət göstərən bankların cəmi aktivləri 27 milyard 559 milyon manat, kredit potfeli 11 milyard 552 milyon manat, cəmi öhdəlikləri isə 23 milyard 630 milyon manat təşkil edib.

VTB-də minimal faiz dərəcəsi ilə nağd kredit 9.9%-dən

Bu barədə “Marja”ya Maliyyə Bazarlarına Nəzarət Palatasından bildirilib.

30 aprel 2018-ci il tarixində Azərbaycanda fəaliyyət göstərən bankların cəmi aktivləri 27.7 mlrd. manat, cəmi öhdəlikləri isə 23.8 mlrd. manat təşkil etmişdi.

Sektorun balans kapitalı 3 milyard 929 milyon manat, əhalinin əmanətləri isə 7 milyard 868 milyon manat olub. 2018-ci ilin may ayı ərzində bank sektorunun aktivləri 0.3% (92 mln. manat), öhdəlikləri 0.6% (149 mln. manat) azalıb, kapitalı isə 1.5% (57 mln. manat) artıb. Bank sektorunda kredit aktivliyinin artması müşahidə olunur. Belə ki, kredit portfeli may ayı ərzində 1.1% (130 mln. manat) artıb.

2018-ci ilin may ayında daha sabit maliyyələşmə mənbəyi hesab olunan əhalinin müddətli əmanətləri 2.5% (137 mln. manat) artıb.

Bank sektoru cari ilin may ayında 52 mln. manat mənfəət generasiya edib. Əldə olunan mənfəət sektorun sağlamlaşdırılması tədbiri olaraq ötən dövrlərdə formalaşmış kredit itkilərinin qarşılanmasına yönəldilib.

1 GÜNƏ KREDİT ALIN!

Fəaliyyət göstərən 30 bankın filiallarının sayı 511, şöbələrinin sayı 143, ATM-lərin sayı 2 471 olub. Bütövlükdə, bank sektorunun işçi heyəti may ayı ərzində 1% (159 nəfər) artaraq 16 662 nəfər təşkil edib. İlin əvvəlindən isə bank sektorunun işçi sayı 3% (491 nəfər) artıb.

31 may 2018-ci il tarixinə bank sektorunun əsas göstəriciləri bank sektorunun icmal göstəricilərində öz əksini tapmışdır.