Mikromaliyyə sektorunda 5 milyon manata yaxın mənfəət!

Mikromaliyyə sektorunda 5 milyon manata yaxın mənfəət!

Mikromaliyyə sektorunda 5 milyon manata yaxın mənfəət!

“Aqrarkredit” QSC istisna olmaqla 2017-ci ilin sonuna qədər Azərbaycanda fəaliyyət göstərən 46 bank olmayan kredit təşkilatının (BOKT) və 76 kredit ittifaqının cəmi aktivləri bu il yanvarın 1-nə 364,629 mln. manat təşkil edib.

VTB-də yüksək depozit faizləri daha çox qazandırır

Bu, ötən il yanvarın 1-i ilə müqayisədə 9,3% azdır.

Mikromaliyyə sektorunun aktivlərinin 266,337 mln. manatını və yaxud 73%-ni müştərilərə verilmiş xalis kreditlər təşkil edib. Ötən il sektorun kredit portfeli 11,6% kiçilib.

1 GÜNƏ KREDİT ALIN!

2017-ci ildə BOKT-ların və kredit ittifaqlarının cəmi öhdəlikləri 17,9% azalaraq 260,812 mln. manata düşüb, cəmi kapitalı isə 23,35% artaraq 103,817 mln. manata çatıb. O cümlədən ötən il sektorun nizamnamə kapitalı 41,1% artırılaraq 109,702 mln. manata çatdırılıb.

Ötən il mikromaliyyə sektorunun faiz gəlirləri 61,7 mln. manat (əvvəlki ilə nisbətən 32,4% az), faiz xərcləri 22,5 mln. manat (20,1% çox), qeyri-faiz gəlirləri 42,809 mln. manat (11% çox) təşkil edib. Son nəticədə sektorun xalis əməliyyat mənfəəti 26,709 mln. manat olub ki, bu da illik müqayisədə 13,8% azdır.

2017-ci ildə BOKT-lar və kredit ittifaqları aktivlər üzrə mümkün zərərlərin ödənilməsi üçün xüsusi ehtiyatların yaradılmasına 2016-cı ilə nisbətən 83,2% az – 13,602 mln. manat ayırıb, 70,1% çox – 8,107 mln. manat mənfəət vergisi ödəyib. Bununla da, mikromaliyyə qurumları ötən ili 4,57 mln. manat xalis mənfəətlə başa vurub. Halbuki sektor 2016-cı ildən 55,407 mln. manat xalis zərərlə çıxmışdı.

Bank olmayan kredit təşkilatları və kredit ittifaqları barədə MƏLUMAT*
		min manatla
	2017		2016
Balans	Məbləğ		Məbləğ
Cəmi aktivlər	364 629		401 987
Xalis kreditlər	266 337		301 331
Cəmi öhdəliklər	260 812		317 822
Cəmi kapital	103 817		84 165
Nizamnamə kapitalı	109 702		77 737


Mənfəət və zərər	Məbləğ		Məbləğ
Faiz gəlirləri	61 700		91 292
Faiz xərcləri	22 500		18 732
Qeyri-faiz gəlirləri	42 809		38 562
Qeyri-faiz xərcləri	55 300		80 152
Əməliyyat mənfəəti / zərəri	26 709		30 969
Xüsusi ehtiyatlara ayırmalar	13 600		80 817
Vergiyəqədərki mənfəət / zərər	12 677		-50 642
Mənfəət vergisi ödəmələri	8 107		4 765
Xalis mənfəət / zərər	4 570		-55 407

* "Aqrarkredit" BOKT istisna olmaqla