Bu ilin yanvar-mart aylarında Azərbaycanda fəaliyyət göstərən 30 bankdan 13-ü xüsusi ehtiyatların yaradılmasına vəsait ayırmayıb.  

Bunlar "Azərbaycan Sənaye Bankı" (ASB), Pakistan Milli Bankının Bakı filialı, "NBC Bank", İran Milli Bankının Bakı filialı, "Azər-Türk Bank", "Bank BTB", "Access Bank", "Express Bank", "Bank Avrasiya", "Unibank", "Bank Silk Vey", "Bank of Baku" və "Azərbaycan Beynəlxalq Bankı"dır (ABB).

ASB istisna olmaqla adı çəkilən banklar ehtiyatlara ayırmalar üzrə müxtəlif məbləğlərdə qənaət ediblər. Bu baxından ən yüksək göstərici ABB-də (64,404 milyon manat), ən aşağı göstərici isə Pakistan Milli Bankının Bakı filialında (5 min manat) qeydə alınıb.

Qalan 17 bank isə xüsusi ehtiyatların yaradılmasına vəsait ayırıb. Ən çox ayırma "Bank VTB Azərbaycan"da (237,43 milyon manat), ən az ayırma isə "Turan Bank"da (146 min manat) qeydə alınıb. 

8 bankın xüsusi ehtiyatların yaradılmasına ayırdığı vəsait artıb

"Azərbaycan Beynəlxalq Bankı" (ABB) istisna olmaqla ölkədə fəaliyyət göstərən 29 bankdan 8-nin bu ilin yanvar-mart aylarında xüsusi ehtiyatların yaradılmasına ayırdığı vəsait ötən ilin eyni dövrü ilə müqayisədə çox olub.

Bunlar "Kapital Bank", "Ziraat Bank Azərbaycan", "Naxçıvan Bank", "AGBank", "Nikoyl Bank", "Rabitəbank", "Amrah Bank" və "PAŞA Bank"dır. Ən yüksək dinamika "Kapital Bank"da (3,9 dəfə), ən aşağı dinamika isə "PAŞA Bank"da (6,3%) qeydə alınıb.

8 bankın - "Atabank", "Yapı Kredi Bank Azərbaycan", "AFB Bank", "Muğan Bank", "Xalq Bank", "Turan Bank", "Bank Respublika" və "Azərbaycan Sənaye Bankı"nın (ASB) isə xüsusi ehtiyatların yaradılmasına ayırdığı vəsaitin məbləği azalıb. Ən çox azalma ASB-də (100%), ən az azalma isə "Atabank"da (24,6%) baş verib.

3 bank - "Unibank", "Express Bank" və İran Milli Bankının Bakı filialı xüsusi ehtiyatlar üzrə qənaətinin məbləğini müvafiq olaraq 2,6 dəfə, 2,3 dəfə və 25,3% artırıb, 2 bank - "Bank Avrasiya" və "Bank BTB" isə xüsusi ehtiyatlar üzrə qənaətinin məbləğini müvafiq olaraq 64,6% və 83% azaldıb.

6 bank - "Access Bank", "Azər-Türk Bank", "Bank of Baku", "Bank Silk Vey", "NBC Bank" və Pakistan Milli Bankının Bakı filialı bu ilin I rübündə xüsusi ehtiyatların yaradılmasına vəsait ayırmayıb, ötən ilin I rübündə isə ayırıb, 2 bank - "Bank VTB Azərbaycan" və "Günay Bank" isə bu ilin ilk 3 ayında xüsusi ehtiyatların yaradılmasına vəsait ayırıb, ötən ilin ilk 3 ayında isə ayırmayıb. Odur ki, bu bankların maliyyə göstəricilərinin dinamikasına hesablamaq mümkün olmayıb.

ABB xüsusi ehtiyatlar üzrə ayırmalarının / qənaətinin dinamikasını açıqlamayıb.

© Renkinq