Bu gün növbəti oyun keçiriləcək

Bu gün növbəti oyun keçiriləcək

Bu gün “Qarabağ” komandası futbol üzrə Çempionlar Liqasının (ÇL) qrup mərhələsində növbəti oyununu keçirəcək.

Ağdam təmsilçisi III tur çərçivəsində İspaniya “Atletiko”sunu qəbul edəcək.

Qurban Qurbanovun rəhbərlik etdiyi kollektiv İngiltərədə keçirdiyi ilk matçda “Çelsi”yə 0:6, Bakıda isə İtaliya təmsilçisi “Roma”ya 1:2 hesabı ilə uduzub. “Atletiko” isə “zadəganlar”a Madriddə minimal fərqlə (1:2) məğlub olsalar da, Roma səfərindən bir xalla dönə biliblər (0:0).

“Qarabağ” ilk dəfə İspaniya komandası ilə üz-üzə gələcək. “Atletiko” heç vaxt Azərbaycan klubu ilə rəsmi matçda qarşılaşmasa da, bu, son illərdə iki dəfə ÇL-in finalına yüksələn Madrid təmsilçisinin Bakıya ikinci səfəridir. Dieqo Simeonin rəhbərlik etdiyi kollektiv 2013-cü ildə “Bakı” ilə Azərbaycanda yoldaşlıq oyunu keçirib və 3:0 hesabı ilə qalib gəlib.

Qurban Qurbanovun komandası ÇL-in və Avropa Liqasının qrup mərhələsində keçirdiyi 10 ev oyunundan 2-də qalib gəlib, 4 dəfə uduzub. “Atletiko” isə ÇL-də keçirdiyi son 10 səfər görüşündən yalnız 3-də qələbə əldə edib. Madridlilər ötən mövsüm qrup mərhələsində 3 səfər oyunundan 2-də qələbə qazanıb.

2016/2017 mövsümündə İspaniya La Liqasında 3-cü yeri tutan “Atletiko” ÇL-in qrupunda 6 oyunun hamısında qələbə qazanan 7-ci komanda ola bilərdi. Lakin madridlilər son turda “Bavariya”ya məğlub oldular.

Dieqo Simeonenin rəhbərlik etdiyi kollektiv ötən mövsüm yarımfinalda “Real Madrid”ə məğlub olaraq mübarizəni dayandırıb. Madridlilər son 13 matçda yalnız bir dəfə - ÇL-in II turunda “Çelsi”yə uduzub. Bu seriya may ayından bəri davam edir.

Çempionlar Liqası, C qrupu, III tur

18 oktyabr

20:00. "Qarabağ" (Azərbaycan) - "Atletiko" (Madrid, İspaniya)

Baş hakim: Ruddi Buke

Yan xətt hakimləri: Giyom Debar, Fredérik Kano

Əlavə köməkçi hakimlər: Amori Deleru, Fransua Leteksyö

Dördüncü hakim: Bertran Juanno (hamısı Fransa)

Bakı Olimpiya Stadionu

Xal durumu: “Çelsi” – 6, “Roma” – 4, “Atletiko” – 1, “Qarabağ” – 0.

18.10.2017 06:30

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az