Azərbaycanda 117,7 milyon dollarlıq layihə – Yeni zavod tikiləcək

Azərbaycanda 117,7 milyon dollarlıq layihə – Yeni zavod tikiləcək

Azərbaycanda qablaşdırma sənayesinə iri sərmayə - Hindistan şirkəti Azərbaycanda böyük zavod quracaq.

Azərbaycanda 117,7 milyon dollarlıq layihə – Yeni zavod tikiləcək

Hindistan şirkəti Azərbaycanda qablaşdırma məhsullarının istehsalı zavodu yaradacaq

Hindistanın “UFlex Limited” şirkəti və ABİF-in iştirakı ilə Ələt azad iqtisadi zonasında qablaşdırma məhsullarının istehsal ediləcəyi müəssisə yaradılacaq.

VTB-də minimal faiz dərəcəsi ilə nağd kredit 9.9%-dən

Marja.az İqtisadiyyat nazirliyinə istinadən xəbər verir ki, Hindistanın qablaşdırma sənayesində ixtisaslaşmış beynəlxalq şirkəti “UFlex Limited” ilə İqtisadiyyat Nazirliyinin tabeliyində Azərbaycan Biznesinin İnkişafı Fondu (ABİF) arasında əməkdaşlıq əsasında yeni istehsal müəssisəsinin yaradılması nəzərdə tutulur.

Layihə “UFlex Limited”in beynəlxalq aktivlərini idarə edən Flex Middle East FZE şirkəti vasitəsilə reallaşdırılacaq. Bu məqsədlə İkinci Azərbaycan Beynəlxalq İnvestisiya Forumu çərçivəsində ABİF, Flex Middle East FZE və Azərbaycan-Özbəkistan İnvestisiya Şirkəti arasında Birgə İştirak Müqaviləsi imzalanıb.

117,7 milyon ABŞ dolları dəyərində olan istehsal layihəsi Ələt Azad İqtisadi Zonasında (AFEZ) həyata keçiriləcək. Layihənin icrası məqsədilə Flex Films AZB AFEZCO şirkəti təsis edilib və müəssisənin yaradılması üçün AFEZ-də 4,7 hektar torpaq sahəsi ayrılıb. Layihə çərçivəsində illik 60 min ton istehsal gücünə malik müasir müəssisənin yaradılması planlaşdırılır.

Layihənin həyata keçirilməsi Azərbaycanda qeyri-neft-qaz sektorunun inkişafı, ixracyönümlü istehsalın genişləndirilməsi, xarici investisiyaların cəlb edilməsi və ölkəmizdə qablaşdırma sənayesinin inkişafına töhfə verəcək.

Qeyd edək ki, UFlex Limited 1985-ci ildə Hindistanda təsis edilmiş beynəlxalq şirkətdir. Şirkət qablaşdırma plyonkaları, qablaşdırma materialları və əlaqəli məhsul və texnologiyaların istehsalı üzrə ixtisaslaşıb. UFlex məhsullarını 150-dən çox ölkəyə ixrac edir və 9 ölkədə beynəlxalq standartlara uyğun istehsal müəssisələrinə malikdir.

Hər gün yeni vakansiyalar - AzVak.az-da

UFlex Limited Flex Middle East FZE ABİF Azərbaycan Biznesinin İnkişafı Fondu Ələt Azad İqtisadi Zonası AFEZ Flex Films AZB AFEZCO Azərbaycan-Özbəkistan İnvestisiya Şirkəti Hindistan investisiyası xarici investisiya 117 7 milyon dollar qablaşdırma sənayesi qablaşdırma məhsulları qablaşdırma plyonkaları istehsal zavodu 60 min ton istehsal gücü ixracyönümlü istehsal qeyri-neft sektoru sənaye investisiyası Azərbaycan iqtisadiyyatı yeni zavod II Azərbaycan Beynəlxalq İnvestisiya Forumu

29.09.2026 16:46