“Azeronline”dan növbəti ilk: müqavilələr artıq “SİMA İmza” ilə rəqəmsal imzalanır

“Azeronline”dan növbəti ilk: müqavilələr artıq “SİMA İmza” ilə rəqəmsal imzalanır

“Azeronline”dan növbəti ilk: müqavilələr artıq “SİMA İmza” ilə rəqəmsal imzalanır

“Azeronline LTD” Birgə Müəssisəsi (BM) internet provayderləri arasında ilk olaraq abunəçi müqavilələrinin “SİMA İmza” vasitəsilə rəqəmsal imzalanmasını təmin edən xidməti istifadəyə verib.

Tətbiq edilən innovativ həll sayəsində xidmətə qoşulma prosesi tam elektron formata keçirilib, kağız sənəd dövriyyəsinə olan ehtiyac əhəmiyyətli dərəcədə azaldılıb.

Yeni sistem çərçivəsində abunəçilər müqavilələri “SİMA İmza” tətbiqi vasitəsilə məsafədən və təhlükəsiz şəkildə imzalaya bilirlər. Sənəd, eyni zamanda şirkət tərəfindən də “SİMA Token” vasitəsilə rəqəmsal qaydada təsdiqlənir. Bununla da müqavilənin imzalanması prosesi tam elektron formada cəmi bir neçə dəqiqə ərzində tamamlanır.

Müqavilələrin rəqəmsallaşdırılması xidmətə qoşulma müddətini əhəmiyyətli dərəcədə qısaldır, əməliyyatların çevikliyini və səmərəliliyini artırır. Eyni zamanda sənədlərin arxivləşdirilməsi və idarə olunmasını optimallaşdıraraq həm abunəçilər, həm də şirkət üçün daha rahat və ekoloji baxımdan dayanıqlı xidmət mühiti yaradır.

Bu yenilik “Azeronline LTD” BM-in rəqəmsal transformasiya strategiyası çərçivəsində həyata keçirdiyi innovativ layihələrin növbəti mərhələsidir. Şirkət bundan əvvəl də internet provayderləri arasında ilk olaraq “mygov ID” (digital.login) identifikasiya sistemini xidmət proseslərinə inteqrasiya etmişdi. “SİMA İmza” vasitəsilə rəqəmsal imzalama həllinin tətbiqi ilə xidmətə qoşulma prosesi – şəxsiyyətin təsdiqlənməsindən müqavilənin imzalanmasına qədər – tam şəkildə rəqəmsal mühitdə icra olunur.

Müasir rəqəmsal texnologiyaların tətbiqini prioritet hesab edən “Azeronline LTD” BM bundan sonra da xidmətlərini innovativ, təhlükəsiz və əlçatan həllərlə təkmilləşdirərək abunəçilərinə daha üstün xidmət təcrübəsi təqdim etməyə davam edəcək.

Azeronline Azeronline LTD SİMA İmza SİMA Token rəqəmsal imza elektron imza abunəçi müqavilələri müqavilələrin rəqəmsal imzalanması onlayn müqavilə məsafədən müqavilə imzalama rəqəmsal müqavilə internet provayderi internet xidmətləri xidmətə onlayn qoşulma elektron sənəd dövriyyəsi kağızsız xidmət rəqəmsal transformasiya innovativ rəqəmsal həllər mygov ID digital.login elektron identifikasiya şəxsiyyətin rəqəmsal təsdiqlənməsi təhlükəsiz rəqəmsal xidmət sənədlərin elektron arxivləşdirilməsi ekoloji dayanıqlılıq Azərbaycan internet bazarı

11.08.2026 10:30