Oktyabrda Azərbaycanda rəsmi fəaliyyətə başlayır

Oktyabrda Azərbaycanda rəsmi fəaliyyətə başlayır

Azərbaycan avtomobil bazarında yeni dövr başlayır. Dünyanın ən böyük Yeni Enerji Avtomobili (NEV) istehsalçısı olan BYD artıq Azərbaycanda rəsmi fəaliyyətə başlayır. Brendin ölkəmizdəki rəsmi dileri 2006-cı ildən avtomobil sektorunda fəaliyyət göstərən Group Motors şirkətidir.

Group Motors bu illər ərzində Toyota Abşeron və Ford dilerliyi ilə yanaşı Subaru, Mazda, Mitsubishi və Honda markalarının da rəsmi distribütoru kimi ölkə bazarında güclü mövqeyə sahibdir. Satış, servis və ehtiyat hissələri üzrə formalaşdırdığı peşəkar şəbəkə ilə şirkət avtomobil sektorunun aparıcı oyunçularından biridir. İndi isə Group Motors dünyanın avtomobil sənayesində sürətli yüksəlişə imza atan BYD-ni Azərbaycana gətirməklə ölkənin avtomobil bazarında yeni bir mərhələ açır.

Azərbaycanda satışa çıxarılacaq BYD modelləri 6 il və ya 150 000 km rəsmi zəmanətlə təqdim ediləcək. Bundan əlavə, 1 sentyabra qədər avtomobillərini fərdi qaydada Çindən gətirən müştərilər də ödənişli zəmanət paketi əldə edə biləcəklər. Bu addım bazarda bütün BYD sahibləri üçün vahid xidmət keyfiyyətini təmin etməyi hədəfləyir.

Yeni BYD salonu hazırda Sumqayıt şossesi 6-cı km ünvanında təmir edilir. Açılışın oktyabr ayının son həftəsində keçirilməsi planlaşdırılır.

Group Motors-un nümayəndəsi açıqlamasında bildirib:

“BYD sadəcə avtomobil markası deyil, dünyada milyonlarla insanın seçdiyi bir brenddir. Bizim üçün əsas məqsəd müştərilərimizə bu markanı etibarlı mənbədən, rəsmi zəmanətlə və yüksək servis dəstəyi ilə təqdim etməkdir. Azərbaycanda alıcılarımız artıq BYD-ni tam güvənlə əldə edə biləcəklər.”

Açılışa qədər BYD Abşeronun sosial media səhifəsi üzərindən ön sifariş kampaniyası elan ediləcək. BYD avtomobili almaq istəyən şəxsləri @byd_absheron rəsmi səhifəsini izləməyə dəvət edirik.

BYD Yeni Enerji Avtomobili (NEV) rəsmi fəaliyyət rəsmi diler Group Motors 2006-cı il avtomobil sektoru Toyota Abşeron Ford Subaru Mazda Mitsubishi Honda rəsmi distribütor satış servis ehtiyat hissələri Azərbaycan bazarı BYD modelləri zəmanət Sumqayıt şossesi salon açılışı oktyabr ayı Group Motor

02.09.2025 11:46

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az