Ən yuxarı statik reklam-3_3
Ən yuxarı (mobil)-2_30
Mobil manşet üstü reklam-3_21

Volkswagen Avropa bazarında Tesla-nı geridə qoyub

Volkswagen-in qlobal elektrikli avtomobil satşı ötən illə müqayisədə 38% artıb. Yeni modelləri ilə şirkət Avropa bazarında Tesla-nı geridə qoyub.
iç səhifə xəbər başlığı altı (mobil)_31
Volkswagen Avropa bazarında Tesla-nı geridə qoyub
iç səhifə xəbər şəkil altı-2 (mobil)_32

2015-ci ildəki dizel qalmaqalının ardından ekoloji imicini bərpa etməyə çalışan Volkswagen elektrikli avtomobillərə yönəlib. Şirkət 2021-ci ilin martında 2025-ci ilə qədər Tesla-dan daha çox elektrikli avtomobil satmağı hədəflədiyini açıqlamışdı.

Lakin ilk modellər uğursuzluqla nəticələndi. Problemli proqram təminatı və Avropada zəif maraq səbəbindən satışlar aşağı oldu. Çində isə rəqabətədavamlı modellərin bazara gec çıxması Volkswagen-i yerli istehsalçılardan geri qalmasına səbəb oldu. ABŞ-da da alıcıların Volkswagen modellərinə marağı zəif qaldı.

Yeni mərhələ: proqram təminatı və tərəfdaşlıqlar

Marja xəbər verir ki, indi isə Volkswagen istiqamətini dəyişməyə çalışır. Üç il əvvəl Baş direktor vəzifəsinə təyin olunan Oliver Blume şirkətin məhsullarını inkişaf etdirmək üçün proqram təminatı və elektrikli avtomobil startapları ilə əməkdaşlıq qurub. Şirkət sentyabr ayında yeni nəsil elektrikli avtomobillərinin ilkini təqdim etməyi planlaşdırır.

Şirkətin satışları ikinci rübdə artıb, qlobal elektrikli avtomobil satışları ötən illə müqayisədə 38% yüksəlib. Avropada Volkswagen-in ən yeni modelləri son aylarda Tesla-nı geridə qoyub. Proqnozlara görə, 2025-ci ildə şirkət Avropanın ən böyük elektrikli avtomobil istehsalçısına çevriləcək və Tesla, Stellantis, Renault-u geridə qoyacaq.

Çin və ABŞ-da tərəfdaşlıqlar

Çində pandemiyadan sonra BYD və Nio kimi yerli şirkətlər elektrikli modellərin sayını artırdı və bazarı ələ keçirdilər. 2023-cü ildə BYD Volkswagen-i liderlikdən saldı və bu uğursuzluqlar Diess-in vəzifəsini itirməsinə səbəb oldu.

Ardınca Porsche-nin rəhbəri Oliver Blume konsernin baş direktoru təyin edildi. O, idarəetməyə gəldikdən sonra öz komandasını formalaşdırdı, bəzi bahalı layihələri dayandırdı, Cariad adlı problemli proqram təminatı bölməsini kiçiltdi, batareya istehsalı hədəflərini azaltdı. Həmçinin Şirkət Çinin Xpeng və ABŞ-ın Rivian şirkətilə ümumilikdə 8 milyard dollarlıq əməkdaşlıq müqaviləsi imzaladı.

Xatırladaq ki, Volkswagen-in, milyonlarla avtomobili emissiya testlərini aldatmaq üçün proqram təminatı ilə təchiz edildiyi aşkarlanmışdı. ABŞ hökuməti Şirkətə sərt xəbərdarlıq etmişdi. Nəticədə Volkswagen 32 milyard avro cərimə, hüquqi məsrəf və geri çağırma xərcləri ilə üzləşmiş, brendin imicinə isə böyük zərər dəymişdi.

Volkswagen elektrikli avtomobil Tesla Avropa bazarı satış artımı dizel qalmaqalı Oliver Blume Herbert Diess proqram təminatı Cariad batareya zavodu ID.3 BYD Nio Xpeng Rivian Stellantis Renault Avropanın ən böyük elektrikli avtomobil istehsalçısı qlobal bazar avtomobil sənayesi Almaniya Çin bazarı ABŞ bazarı tərəfdaşlıq 8 milyard dollarlıq müqavilə
22.08.2025 09:15

Müştərilərin xəbərləri

Mobil-manshet-alt3_22
Desktop_Manset_sag_5
Ana-sehifede-2-reklam-3_9
Əsas səhifədə 3-cü reklam_10
Xəbər mətn sağ 1-ci-2_15
Xəbər mətn sağ 2-ci2_16
Xəbər mətn sağ 3-cü-2_17
Xəbər mətn sağ -18_18
InvestAZ