Qars-Naxçıvan dəmir yolunun tikintisinə avqustun 22-də start veriləcək

Zəngəzur dəhlizinin əsas hissəsi olacaq Kars-Iğdır-Aralıq-Dilucu Dəmir Yolu xəttinin təməli qoyulur

Qars-Naxçıvan dəmir yolunun tikintisinə avqustun 22-də start veriləcək

Türkiyənin Nəqliyyat və İnfrastruktur naziri Abdulkadir Uraloğlu bildirib ki, avqustun 22-də Zəngəzur dəhlizinin mühüm hissəsi olan Kars-Iğdır-Aralık-Dilucu (Qars-Naxçıvan ) Dəmir Yolu xəttinin təməli qoyulacaq. Onun sözlərinə görə, bu dəhlizin işə düşməsi ilə Pekindən Londona qədər uzanan şərq-qərb xətti daha səmərəli fəaliyyət göstərəcək.

Marja.az-ın Türkiyə mətbuatına istinadən məlumatına görə, nazir yazılı açıqlamasında qeyd edib ki, sözügedən dəmir yolu xətti Türkiyənin şərqində yük və sərnişin daşımalarını gücləndirəcək. Bu layihə həm Türkiyənin logistik imkanlarını artıracaq, həm də ölkənin Asiyaya çıxan ticarət yollarında “jeostrateji təhlükəsizlik adası” rolunu möhkəmləndirəcək.

Abdulkadir Uraloğlu Maliyyə Nazirliyi tərəfindən aparılan işlər nəticəsində layihə üçün 2,4 milyard avro dəyərində xarici maliyyələşmənin təmin edildiyini diqqətə çatdırıb:

• Xəttin uzunluğu 224 kilometr olacaq;

• Qoşa xəttli, elektrikləşdirilmiş və siqnallaşdırılmış şəkildə inşa ediləcək;

• İllik 5,5 milyon sərnişin və 15 milyon ton yük daşımaq gücündə olacaq;

Nazir bildirib ki, təməli atılacaq bu dəmir yolu xətti Azərbaycan ilə Naxçıvan arasındakı bağlantını təmin edəcək Zəngəzur dəhlizinin əsas hissələrindən biri olacaq:

“Bu xətt sayəsində Türkiyə ilə Azərbaycan arasında fasiləsiz yeni dəmir yolu əlaqəsi yaradılacaq. Şərq və Cənub-Şərqi Anadolunun istehsal potensialı xarici bazarlara daha sürətli çatacaq, Aralıq dənizi bölgəsinin turizm imkanları genişlənəcək. Bundan başqa, bu dəmir yolu Trans-Xəzər və şimal-cənub dəhlizlərini gücləndirəcək, Avrasiyanın təchizat və logistika şəbəkələrini möhkəmləndirəcək, Türkiyəni isə regional əməkdaşlığın mərkəzinə çevirəcək. Zəngəzur dəhlizinin işə düşməsi ilə Pekindən Londona qədər uzanan şərq-qərb xətti daha səmərəli olacaq, Orta Dəhlizin dəmir yolu və avtomobil yolu yükdaşıma gücü əhəmiyyətli dərəcədə artacaq.”

Zəngəzur dəhlizi Kars-Iğdır-Aralıq-Dilucu dəmir yolu Abdulkadir Uraloğlu Türkiyə Nəqliyyat və İnfrastruktur Nazirliyi dəmir yolu layihəsi Naxçıvan bağlantısı Azərbaycan-Türkiyə əlaqələri Pekin-London dəhlizi Orta Dəhliz Trans-Xəzər dəhlizi şimal-cənub dəhlizi logistika yükdaşıma sərnişin daşımaları 224 km dəmir yolu 2 4 milyard avro maliyyələşmə tünel viyadük körpü alt keçid üst keçid menfəz regional əməkdaşlıq Avrasiya ticarət yolları Türkiyə logistika gücü iqtisadi əməkdaşlıq turizm potensialı Şərqi Anadolu Cənub-Şərqi Anadolu.

21.08.2025 10:30