Neftin qiyməti son 5 ayın ən yüksək səviyyəsinə çatıb

Neftin qiyməti son 5 ayın ən yüksək səviyyəsinə çatıb

Neft qiymətləri Yaxın Şərqdəki gərginlik fonunda yanvar ayından bəri ən yüksək həddə çatıb.

Neftin qiyməti son 5 ayın ən yüksək səviyyəsinə çatıb

ABŞ-ın ötən həftə sonu İranın nüvə obyektlərinə zərbə endirməsi tədarüklə bağlı narahatlıqları artırdığı üçün neft qiymətləri bazar ertəsi yanvar ayından bəri ən yüksək səviyyəyə qalxıb.

Marja xəbər verir ki, Brent markalı neft 2,49 faiz bahalaşaraq barreli 78,93 dollara, ABŞ xam nefti isə 2,56 faiz artaraq barreli 75,73 dollara çatıb.

VTB-də minimal faiz dərəcəsi ilə nağd kredit 9.9%-dən

Qiymətlərin artması ABŞ prezidenti Donald Trampın həftə sonu İranın əsas nüvə obyektlərini “məhv etdiyini” elan etməsindən sonra baş verib. ABŞ-ın İsrailin hücumuna qoşulması və Tehranın özünü müdafiə edəcəyinə bəyan etməsi Yaxın Şərqdəki münaqişəni gücləndirib.

İran OPEC-in üçüncü ən böyük xam neft istehsalçısıdır. Bazar iştirakçıları, İranın cavab tədbirinin Hörmüz boğazını bağlaya biləcəyi qorxusu fonunda neft qiymətlərinin daha da artacağını gözləyirlər.

Qlobal bankdan yeni proqnoz - Neftin qiyməti 110 dollara çata bilər

Qlobal investisiya bankı “Goldman Sachs” Hörmüz boğazında mümkün fasilə səbəbindən qlobal enerji təchizatında artan risklərə diqqət çəkib. Bank bu vəziyyətin neft və təbii qaz qiymətlərində ciddi artımlara səbəb ola biləcəyini gözləyir.

Banka görə, Hörmüz boğazından neft axını bir ay ərzində iki dəfə azalarsa Brent markalı neftin qiyməti qısa müddət ərzində bir barel üçün 110 dollara çata bilər.

Goldman bildirir ki, bu yüksəlişdən sonra qiymətlər mülayim səviyyəyə qayıdacaq və Brent markalı neft 2025-ci ilin dördüncü rübündə orta hesabla 95 dollar civarında olacaq.

Həmçinin Goldman bildirib ki, bazarlar hazırda İranın 2025-ci ildə Hörmüz boğazını bağlayacağı ehtimalını 52% qiymətləndirir. Bundan əlavə, bank qeyd edib ki, İranın gündəlik neft tədarükünün 1,75 milyon barrel azalması Brent neftin qiymətini 90 dollar civarına çatdıra bilər.

23.06.2025 09:20