Qızılın qiymətində rekordlar davam edir

Qızılın qiymətində rekordlar davam edir

2024-cü ilin əvvəlindən qızıl təxminən 30%-ə yaxın bahalaşıb. Bu gün qızılın qiyməti 2638 dolları da keçib. Səbəblər - FED-in uçot dərəcəsini daha sürətli azaldacağı gözləntiləri, mərkəzi bankların alışları və geosiyasətdir.

ABŞ Federal Ehtiyat Sistemi (FED, ABŞ mərkəzi bankı) rəsmilərinin monetar yumşalma ehtimalını artıran açıqlamaları ilə qızıl yenidən rekord səviyyəyə yüksəlib..

Marja.az xəbər verir ki, dünya bazarlarında həftənin ikinci ticarət günündə bir spot unsiya qızıl 2638 dollara satılır (cari bazar qiyməti). İnvesting.com-dakı məlumata görə, qızıl fyuçerslərinin qiyməti 2662 dolları keçib.

(Qeyd edək ki, spot qiymət, aktivin dərhal alına və ya satıla biləcəyi cari bazar qiymətidir. Bu qiymət cari tələb və təklifə uyğun olaraq müəyyən edilir və əməliyyat zamanı etibarlıdır. Spot alışlar və spot satışlar dərhal bu qiymətə baş verir, yəni aktivlər dərhal alıcıya çatdırılır. Spot qiymət gələcək qiymətlərdən (fyuçers) fərqli olaraq cari bazar şərtlərini əks etdirir.)

VTB-də yüksək depozit faizləri daha çox qazandırır

FED-in Çikaqo şöbəsinin sədri Austan Goolsbee, inflyasiya 2 faizlik hədəfə yaxınlaşdıqca diqqətin əmək bazarına yönəlməli olduğunu və "bu, gələn il daha çox faiz endirimi deməkdir" deyib. FED-in Minneapolis şöbəsinin sədri Neel Kashkari də əmək bazarının zəifliyinə işarə edib.

Bazarlar, ilin sonuna qədər FED-dən iki dəfə faiz endirimi gözləyir.

İsrailin Cənubi Livana böyük hücumu da qızılı bahalaşmasına səbəb olur.

Qiymətli metal bu il təxminən 30 faiz bahalaşıb (cari qiymət). Qızıl fyuçersləri isə (gələcək qiymət) 36%-dən çox artıb. Qızılın artım tendensiyasını dəstəkləyən digər amillərə mərkəzi bankların və Çində istehlakçıların alışlarının artması, həmçinin Yaxın Şərq və Ukraynadakı münaqişələr daxildir.

Bir çox analitik qiymətlərin artmağa davam edəcəyini deyir. Bir unsiya qızılın qiymətinin 2700 dollar, 2800 dollar hətta 3000 dollar səviyyələrinə çatacağı barədə proqnozlar verilir.

24.09.2024 09:53

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az