Azərbaycanda ötən il MMC-lərin 32 %-i, SC-lərin 43%-i auditdən keçməyib

Azərbaycanda ötən il MMC-lərin 32 %-i, SC-lərin 43%-i auditdən keçməyib

Azərbaycanda ötən il MMC-lərin 32 %-i, SC-lərin 43%-i auditdən keçməyib

2023-cü ildə Azərbaycanda 2862 məhdud məsuliyyətli cəmiyyət (MMC) məcburi audit subyekti olub.

Auditorlar Palatasının məlumatına görə, bu, 2022-ci illə müqayisədə 7,65 % azdır.

VTB-də minimal faiz dərəcəsi ilə nağd kredit 10.49%-dən

Bununla belə, ötən il auditdən keçmiş MMC-lərin sayı isə 37,05 % artaraq 1942-yə, onların xüsusi çəkisi isə 45,7%-dən 68 %-ə yüksəlib. Başqa sözlə, il ərzində MMC-lərin 32 %-i auditdən keçməyib.

Səhmdar cəmiyyətlərinin 43%-i auditdən keçməyib

2023-cü ildə Azərbaycanda 377 səhmdar cəmiyyəti (SC) məcburi audit subyekti olub. Bu, 2022-ci illə müqayisədə 3,9 % çoxdur.

Ötən il auditdən keçmiş SC-lərin sayı isə 10,9 % artaraq 214-ə, onların xüsusi çəkisi isə 53,2 %-dən 57 %-ə yüksəlib. Başqa sözlə, il ərzində SC-lərin 43 %-i auditdən keçməyib.

Məcburi audit subyektlərinin sayı azalıb

2023-cü ildə Azərbaycanda 4 937 məcburi audit subyekti olub. Bu, 2022-ci illə müqayisədə 4,45 % azdır.

Bununla belə, ötən il auditdən keçmiş qurumların sayı 30,5 % artaraq 2 962-yə çatıb, onların xüsusi çəkisi isə 40,4 %-dən 60 %-ə yüksəlib.

Bələdiyyələrin 54 %-i auditdən keçməyib

2023-cü ildə Azərbaycanda 1 606 bələdiyyə məcburi audit subyekti olub. Bu, 2022-ci illə müqayisədə 0,1 % çoxdur.

Ötən il auditdən keçmiş bələdiyyələrin sayı isə 25,05 % artaraq 744-ə, onların xüsusi çəkisi isə 37,1 %-dən 46,3 %-ə yüksəlib. Başqa sözlə, il ərzində bələdiyyələrin 53,7 %-i auditdən keçməyib.

Siyasi partiyaların 60 %-i auditdən keçməyib

2023-cü ildə Azərbaycanda 50 siyasi partiya məcburi audit subyekti olub. Bu, 2022-ci illə müqayisədə 9,1 % azdır.

Bununla belə, ötən il auditdən keçmiş siyasi partiyaların sayı isə 5,3 % artaraq 20-yə, onların xüsusi çəkisi isə 34,5 %-dən 40 %-ə yüksəlib. Başqa sözlə, il ərzində siyasi partiyaların 60 %-i auditdən keçməyib.

30.08.2024 14:15