Çindən Kanadaya reaksiya - “Səhvinizi dərhal düzəldin”

Çindən Kanadaya reaksiya - “Səhvinizi dərhal düzəldin”

Pekin administrasiyası Kanadanın elektriklə işləyən avtomobillərə və Çindən idxal edilən polad və alüminium məhsullarına əlavə gömrük tarifləri tətbiq etməsini tənqid edib.

Çindən Kanadaya reaksiya - “Səhvinizi dərhal düzəldin”

Çin Ticarət Nazirliyindən yaydığı açıqlamasında, Kanada hökumətinin həyata keçirməyə qərar verdiyi əlavə tarif artımların və digər məhdudlaşdırıcı tədbirlərin Ümumdünya Ticarət Təşkilatının (ÜTT) qaydalarına zidd olduğu bildirilib.

Marja-nın məlumatına görə, açıqlamada vurğulanıb ki, Çinin elektromobil və digər sənaye sahələrinin inkişafı müqayisəli üstünlüklərə və açıq rəqabətə əsaslanır, eyni zamanda iqlim dəyişikliyinə qarşı qlobal mübarizəyə və yaşıl transformasiyaya töhfə verir.

VTB-də yüksək depozit faizləri daha çox qazandırır

Qeyd edilib ki, Kanada azad ticarəti və ÜTT qaydalarını açıq şəkildə pozur və əlavə tariflər tətbiq edir.

Açıqlamada, Kanada hökumətinin davranışının "ticarət proteksionizminin tipik bir nümunəsi" olduğu vurğulanıb və aşağıdakılar qeyd edilib:

"Kanadanın bu addımı qlobal sənaye və təchizat zəncirlərinin sabitliyinə xələl gətirəcək, qlobal iqtisadi sistemi, iqtisadi və ticarət qaydalarını pozacaq, Çin və Kanada arasında iqtisadi və ticarət əlaqələrinə mənfi təsir göstərəcək, bu da hər iki ölkənin şirkətlərinin maraqlarını pozacaq, Kanadalı istehlakçıların rifahı və Kanadanın yaşıl transformasiyasına və iqlim dəyişikliyi ilə mübarizə üçün qlobal səylərə zərər verəcək".

Açıqlamada Çinin öz şirkətlərinin qanuni hüquq və mənafelərini qorumaq üçün bütün lazımi tədbirləri görəcəyi bildirilib və Kanada tərəfini “səhv addımlarını dərhal düzəltməyə” çağırıb.

Kanadada baş nazir Kastin Trüdonun (Justin Trudeau) rəhbərlik etdiyi hökumət oktyabrın 1-dən Çindən idxal edilən elektrik avtomobillərinə 100 faiz, oktyabrın 15-dən isə alüminium və polad məhsullarına 25 faiz rüsum tətbiq edəcəyini açıqlayıb.

Beləliklə, Kanada bu məhsullara ABŞ ilə eyni dərəcədə gömrük tarifləri müəyyən edib.

28.08.2024 08:33

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az