Yüksək inflyasiya, bahalı kreditlər, logistika, işçi heyəti, qablaşdırma və xammal üçün artan xərclər Ruiyanın qida istehsalçıları tərəfindən satış qiymətlərinin növbəti dəfə kütləvi şəkildə nəzərdən keçirilməsinə səbəb olur.

Marja.az Rusiya mətbuatına istinadən xəbər verir ki, şŞirkətlər çeşidlərinin qiymətini 5-40% artırmağa hazırlaşırlar. Ən çox qənnadı məmulatları üzrə qiymət artımı olacağı bildirilir. 

Qida istehsalçıları 2024-cü ilin avqust-sentyabr aylarında qiymətləri 5-40% artıracaqları barədə pərakəndə satış şirkətlərinə məktublar göndəriblər.

Pərakəndə şirkətlərinə "Mars", "Ritter Sport", "Дымка, " Славянка", "Вимм-Билль-Данн", "Viola", "Экомилк", "Health & Nutrition" (Danone), "Милком", "Пискаревский молзавод", "Каравай", "Балтика" şirkətlərinin məktub göndərdiyi qeyd olunur.

Məsələn, "Viola" pərakəndə şəbəkələrə yazdığı məktubunda bildirib ki, istehsal xətlərinə xidmət xərcləri, qablaşdırma xərcləri 12%, logistika xərcləri 16-30% bahalaşıb.

“Baltika” məktubunda butulkaların 8%, alüminium qutuların 25% bahalaşdığını bildirir. Şirkət həmçinin inflyasiyanı satış qiymətlərini artırmaq üçün arqument kimi göstərir. "Rosstat"ın məlumatına görə, 2024-cü ilin iyul ayında Rusiyada ərzaq inflyasiyası illik 9,67% təşkil edib.

"Milkom" yazır ki, şəkər, meyvə və giləmeyvə əlavələri və mayalandırıcılar 20% bahalaşıb. Şirkətdən verilən məlumata görə, süd 12% bahalaşıb. "Milkom" öz çeşidi üçün qiymətləri 5-15% artırmağa hazırlaşır.

Ən qabarıq qiymət dinamikasının qənnadı məmulatları seqmentində olacağı gözlənilir. İstehsalçı "Ritter Sport" pərakəndə satıcılara  xəbərdarlıq edir ki, Ekstra Kakao (Extra Cacao) çeşidinin satış qiymətləri sentyabrın 1-dən 40% artacaq. Qərbi Afrikadakı quraqlıq səbəbindən kakao istehsalının azalması ilə şokolad bazarı kakao qiymətlərindəki kəskin artımlardan təsirlənməyə davam edir. Mars sentyabrın 9-dan “Dove” və “Korkunov” şokolad batonlarının qiymətini 19%, tərkibində şokolad olmayan “Skittles” çeynəmə konfetlərinin qiymətini isə 13% bahalaşdırmaq niyyətindədir.

“Slavyanka” qənnadı yağlarının 50%-ə qədər, quru süd məhsullarının 20%-ə, unun 30%-ə qədər bahalaşmasına diqqət çəkir.

“Karavay” da öz məktubunda məhsullarının qiymətini 10% artırmağı planlaşdırır. 

Ekspertlər bildirir ki, yüksək rəqabətli pərakəndə satış bazarında qiymət artımları satışın azalmasına səbəb ola bilər. Şəbəkələr artımı bir neçə mərhələdə həyata keçirərəklər.

Qeyd edək ki, Rusiya Azərbaycanın idxalında 2-ci yeri turur, ölkəmizə Rusiyadan geniş çeşiddə qida məhsulları idxal olunur.