Qlobal bazarlar ABŞ Mərkəzi Bankının (FED) pul siyasəti səhvi ehtimalı (faiz artırmaqda gecikməsi) və ABŞ-da artan tənəzzül gözləntiləri, eləcə də geosiyasi proseslər səbəbindən rekord enişlər yaşayıb. Bununla əlaqədar olaraq "Borsa İstanbul" da yeni həftəyə kəskin satışlar ilə daxil olub.

Marja xəbər verir ki, BIST 100 indeksi günə 6,7 geriləmə ilə başlayıb və bundan sonra indeksdə əməliyyatlar dayandırılıb. Əməliyyatların bərpası ilə satışlar 7 faizi ötüb və avtomatik açar indeksdə ikinci dəfə işlə düşüb. 

BIST 30 fyuçerslərində də eniş 7%-ə çatıb. 

Bu gün Asiyada kəskin satışlar bazarlarda tarixi "qasırğaya" səbəb olub. Yaponiya səhmləri 1987-ci ildən bəri ən sərt satış dalğası ilə üzləşib. Cənubi Koreyada Kosdaq indeksi rekord azalma qeydə alınıb.

Cümə günü çökən ABŞ-da birja indeksləri yeni həftəyə də mənfi daxil olub. Nasdaq 100 indeksi fyuçerslərində eniş 6 faizə çatıb.

Geosiyasi narahatlıqlar, FED-in faizlərini azaltmaqda gecikdiyi və bunun ABŞ iqtisadiyyatının tənəzzülünə səbəb olacağı barədə proqnozlar birjalarda satışlara səbəb olub. 

HƏMAS-ın siyasi lideri İsmayıl Haniyənin Tehranda, Hizbullahın yüksək səviyyəli nümayəndəsi Fuat Şükrü Beyrutda öldürüldükdən sonra Yaxın Şərqdə gərginlik daha da artıb.

İranın öz ölkəsindəki hücuma necə cavab verəcəyi ilə bağlı müzakirələr davam edərkən, ABŞ Müdafiə Nazirliyi (Pentaqon) cümə günü İrandan gələn təhdidlərdən sonra İsrailin təhlükəsizliyinə dəstəyini artırmaq üçün bölgəyə əlavə döyüş təyyarələri və gəmilər göndərəcəklərini açıqlayıb.

Elə həmin gün dünyanın bir çox aviaşirkətlərindən uçuşların ləğvi ilə bağlı xəbərlər gəldi. Aviaşirkətlər Tehrana uçuşları təxirə sadılar.

Axios-un mövzu ilə bağlı məlumatlı üç mənbəyə əsaslanaraq yaydığı məlumata görə, ABŞ dövlət katibi Antoni Blinken G-7-dəki həmkarlarına İran və Hizbullahın İsrailə hücumlarının bazar ertəsi başlaya biləcəyini deyib. Xəbərdə hücumların qarşıdakı 24-48 saat ərzində başlayacağının gözlənildiyi də qeyd edilib.

Bazar günü açıqlama verən İsrailin müdafiə naziri Yoav Gallant, “Müdafiə hazırlığımız quruda və ya havada yüksək səviyyədədir və həm sürətli cavaba, həm də hücuma hazırıq. Əgər onlar bizə hücum etməyə cəsarət etsələr, bunun əvəzini ağır ödəyəcəklər", - deyib.