“Azərişıq” şirkətinin xalis mənfəəti kəskin azalıb - 4 DƏFƏYƏ YAXIN GERİLƏMƏ

“Azərişıq” şirkətinin xalis mənfəəti kəskin azalıb - 4 DƏFƏYƏ YAXIN GERİLƏMƏ

1 milyard 619 milyon manat gəlirə qarşı, təxminən 15 milyon manat mənfəət götürüb. “Azərişıq” şirkətinin xərcləri artdığından xalis mənfəəti 4 dəfəyə yaxın azalıb.

“Azərişıq” şirkətinin xalis mənfəəti kəskin azalıb - 4 DƏFƏYƏ YAXIN GERİLƏMƏ

Dövlətə məxsus “Azərişıq” ASC 2023-cü ili 14 milyon 728 min manat xalis mənfəət ilə başa vurub. Şirkət 2022-ci ili 56 milyon 257 min manat xalis mənfəət ilə bağlamışdı. Beləliklə, “Azərişıq” şirkətinin xalis mənfəəti 2023-cü ildə 2022-ci illə müqayisədə 3,8 dəfə azalıb.

Marja.az Şirkətin maliyyə hesabatlarına istinadən xəbər verir ki, "Azərişıq” ASC-nin satışdan gəlirləri 2022-ci ildə 1 milyard 540 milyon 473 min manat ikən, 2023-cü ildə 1 milyard 619 milyon 317 min manata yüksəlib (78 milyon 898 min manat və ya 5,1% artıb).

Ötən il “Azərişıq” ASC-nin gəlirlərinin artmasına baxmayaraq, bir çox xərclərinin - inzibati xərclərin, ticari debitor borcları üzrə dəyərsizləşmə bərpası (zərər) xərclərinin və sair xərclərin artması xalis mənfəətin azalması ilə nəticələnib.

2023-cü ildə “Azərişıq” ASC-nin 1 milyard 619 milyon 371 min manat satış gəlirinin 85,2%-ni və ya 1 milyard 379 milyon 874 min manatını satışın maya dəyəri təşkil edib. Şirkətin digər cəmi xərcləri isə 207 milyon 992 min manat olub. Ötən il “Azərişıq” 31 milyon 572 min manat əməliyyat mənfəətindən 16 milyon 844 min manat mənfəət vergisi ödəyib.

“Azərişıq” Açıq Səhmdar Cəmiyyətinin əsas missiyası Azərbaycan Respublikasının ərazisində (Naxçıvan Muxtar Respublikası istisna olmaqla) elektrik enerjisini istehsalçılardan satın almaqla istehlakçıları fasiləsiz, keyfiyyətli və dayanıqlı elektrik enerjisi ilə təchiz etməkdən, paylayıcı şəbəkələrin maddi-texniki bazasını müasirləşdirməkdən, habelə bu sahənin inkişafı ilə bağlı digər zəruri tədbirləri həyata keçirməkdən ibarətdir.

01.05.2024 09:26

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az