Almaniyada mikroçip istehsalında 80 mindən çox mütəxəssis çatışmazlığı var

Almaniyada mikroçip istehsalında 80 mindən çox mütəxəssis çatışmazlığı var

Almaniya İqtisadiyyat İnstitutunun məlumatına görə, bu rəqəm 2021-2022-ci illərlə müqayisədə 20 min nəfər çoxdur.

Almaniyada mikroçip istehsalında 80 mindən çox mütəxəssis çatışmazlığı var

Mikroçip istehsalında Avropa İttifaqında liderlərindən biri olmağa hazırlaşan Almaniya bu sənayedə işçi çatışmazlığı ilə üzləşib.

Marja.az xəbər verir ki, Almaniya İqtisadiyyatı İnstitutunun (IW) məlumatına görə, Almaniyada hazırda bu sənayedə 82 minə yaxın ixtisaslı kadr çatışmır. Bu, 2021-2022-ci illərdə olduğundan 20 min nəfər çoxdur.

VTB-də minimal faiz dərəcəsi ilə nağd kredit 10.49%-dən

"Almaniyada yarımkeçiricilər istehsalının inkişafı əsasən ixtisaslı işçi qüvvəsinin mövcudluğundan asılıdır. Xüsusilə yarımkeçirici sənayesi üçün aktual olan peşələrlə bağlı vəziyyətin cari qiymətləndirilməsi göstərir ki, ixtisaslı işçi qüvvəsinə tələbat sürətlə artır və bu təlabatı əhəmiyyətli əlavə səylər olmadan qarşılamaq dımümkün deyil", - İnstitutun hesabatında deyilir.

Tayvanın TSMC şirkətinin direktorlar şurası avqustun 8-də elan edib ki, Drezdendə 3,5 milyard avroya yarımkeçiricilər istehsalı zavodunun tikintisinə razılıq verib. Almaniya kansleri Olaf Şolz qərarı alqışlayıb. İyun ayında Almaniya Nazirlər Kabineti artıq Amerikanın İntel şirkəti ilə Maqdeburqda mikroçip istehsalı zavodunun tikintisinə dair saziş imzalayıb.

9 iyun 2023-cü ildə Avropa İttifaqının Çin və ABŞ-dan asılılığı azaltmaq üçün mikroçip istehsalına bir neçə milyard avro sərmayə qoyacağı bildirilib. "Der Spiegel" jurnalı yazıb ki, IPCEI layihəsinə (Important Project of Common European Interest) 8,1 milyard avro məbləğində vəsait ayıracaq, bundan əlavə, özəl şirkətlər 13,7 milyard avroya qədər sərmayə qoyaraq ümumi sərmayəni təxminən 21,8 milyard avroya çatdıracaq.

Eyni zamanda, hazırda Almaniyada mikroçip çatışmazlığı aktualdır və onun aradan qaldırılması üçün illər lazım olacaq. Bu fikri avqustun ortalarında Almaniyanın “Audi” avtomobil konserninin direktorlar şurasının üzvü Renate Vahenauer demişdi.

05.12.2023 17:28

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az