"Mars" şirkəti Britaniyanın ən böyük özəl şokolad istehsalçısını 661 milyon dollara satın alır

"Mars" şirkəti Britaniyanın ən böyük özəl şokolad istehsalçısını 661 milyon dollara satın alır

"Mars" şirkəti Britaniyanın ən böyük özəl şokolad istehsalçısını 661 milyon dollara satın alır

ABŞ-ın "Mars" şirkəti Böyük Britaniyanın ən böyük müstəqil şokolad istehsalçısı olan "Hotel Chocolat"ı 534 milyon funt sterlinqə (661 milyon dollara) satın alır.

Marja.az xəbər verir ki, razılaşma xəbəri "Hotel Chocolat"ın səhmlərini bahalaşdırıb.

VTB-də yüksək depozit faizləri daha çox qazandırır

“Hotel Chocolat” 1993-cü ildə “şokoladı yenidən maraqlı etmək missiyasında olan” sahibkarlar Anqus Thirlwell və Peter Harris tərəfindən təsis edilib.

Brend təxminən 20 il əvvəl Londonun şimalında ilk mağazasını açıb və o vaxtdan bəri kafe və restoranlardan əlavə, İngiltərədə 131 mağazaya çatıb. Onun həmçinin Yaponiyada da mağazaları var.

Ən son maliyyə ilində "Hotel Chocolat", "məyusedici" maliyyə nəticələrini dərc edib. Şirkətin gəliri 10% azalaraq 205 milyon funt-sterlinqə (254 milyon dollar) düşüb və 6,2 milyon funt sterlinq (7,7 milyon dollar) zərər edib. Şirkətin rəhbəri Thirlwell, "Mars"ın satın almasının markanın böyümə perspektivlərini artıracağını söyləyib.

İngilislər daha az əmindirlər. Müqavilə, "X" istifadəçilərinin başqa bir yerli İngilis şokolad markasının böyük bir Amerika qida şirkəti tərəfindən satın alınmasından şikayətlənən şərhlərə səbəb olub.

Bəziləri 2010-cu ildə "Kraft Foods" tərəfindən "Cadbury's"-in çox milyard dollarlıq satın alınması ilə müqayisə edirlər:

“"Kraft" "Cadbury's"i alanda keyfiyyət aşağı düşdü. "Hotel Chocolat" bahalı olsa da, düzgün şokoladdır. Xahiş edirəm heç nəyi dəyişməyin".

"Mars", "Snickers", "Twix", "M&Ms" "Orbit" və s. məhsullatı istehsal edən "Mars" şirkəti 1932-ci ildən Böyük Britaniyada fəaliyyət göstərir və ölkədə təxminən 10.000 işçisi var.

"Mars" hesab edir ki, satınalma Böyük Britaniya bazarına bağlılığını daha da gücləndirəcək, portfelinə çox sevilən bir marka əlavə edəcək və istehlakçılarla əlaqələrini dərinləşdirəcək.

19.11.2023 19:43

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az