Azərbaycanda girov qoyulan daşınmaz əmlakın sayında böyük artım

Azərbaycanda girov qoyulan daşınmaz əmlakın sayında böyük artım

Azərbaycanda girov qoyulan daşınmaz əmlakın sayında böyük artım

2023-cü ilin yanvar-sentyabr ayları ərzində ölkəmizdə 61 min 393 daşınmaz əmlak üzrə ipoteka müqaviləsi qeydə alınıb.

Marja.az xəbər verir ki, bu, 2022-ci ilin müvafiq dövrü ilə müqayisədə 10 min 46 ədəd və ya 19,6% çoxdur.

VTB-də yüksək depozit faizləri daha çox qazandırır

2023-cü ilin yanvar-sentyabr ayları ərzində ən çox girov qoyulan daşınmaz əmlaklar.

Azərbaycanda girov qoyulan əmlaklar sırasında mənzillər, torpaq sahələri və fərdi yaşayış evləri üstünlük təşkil edir. Ən çox girov qoyulan daşınmaz əmlak isə mənzildir. Belə ki, 2023-cü ilin 9 ayı ərzində 35 min 248 mənzil üzrə ipoteka müqaviləsi bağlanılıb. Bu dövrdə girov qoyulmuş ümumi 61 min 393 əmlakdan isə 11 min 921-i torpaq sahəsinin, 8 min 768-ü isə fərdi yaşayış evinin payına düşür.

2023-cü ilin yanvar-sentyabr ayları ərzində daşınmaz əmlak növləri üzrə ipoteka müqavilələri

Əmlak növləri	Müqavilə sayı	Ümumi göstəricidə payı (faizlə)
Mənzil	35.248	57,4%
Torpaq sahəsi	11.921	19,4%
Fərdi yaşayış evi	8.768	14.3%
Qeyri-yaşayış sahəsi	2.059	3,4%
Qeyri-yaşayış binası	1.700	2,8%
Bağ evi	1.129	1,8%
Digər	568	0,9%
Ümumi	61.393	100,0%

Daşınmaz əmlak üzrə ən çox ipoteka müqaviləsi paytaxt Bakıda bağlanıb

Bu ilin 9 ayı ərzində paytaxtda ümumilikdə 32.484 ipoteka müqaviləsi bağlanılıb ki, bu da ölkə üzrə ümumi göstəricinin 52,9%-ni təşkil edir. Bakıdan sonra ən çox ipotekanın dövlət qeydiyyatı Əmlak Məsələləri Dövlət Xidmətinin tabeliyində “Daşınmaz Əmlakın Dövlət Kadastrı və Reyestri” publik hüquqi şəxsin 4 saylı Abşeron (8.427 müqavilə), 2 saylı Sumqayıt (3.318 müqavilə), 5 saylı Xaçmaz (3.000 müqavilə) və 3 saylı Gəncə ərazi idarələrində (2.722 müqavilə) aparılıb. Bu, həmin bölgələrdəki iqtisadi aktivliyin göstəricilərindən biri kimi də qiymətləndirilə bilər.

İpoteka müqavilələrinin sayına görə ərazi idarələrinin siyahısı

Sıra №	Ərazi idarələri	İpoteka müqaviləsinin ümumi sayı	Ölkə üzrə göstəricidə payı (faizlə)
1.	1 saylı Bakı Ərazi İdarəsi	32.484	51,4%
2.	4 saylı Abşeron Ərazi İdarəsi	8.427	14,%
3.	2 saylı Sumqayıt Ərazi İdarəsi	3.318	5,3%
4.	5 saylı Xaçmaz Ərazi İdarəsi	3.000	5,2%
5.	3 saylı Gəncə Ərazi İdarəsi	2.722	4,5%
6.	9 saylı Qəbələ Ərazi İdarəsi	1.407	2,8%
7.	17 saylı Yevlax Ərazi İdarəsi	1.173	2,0%
8.	13 saylı Şirvan Ərazi İdarəsi	1.144	1,9%
9.	7 saylı Bərdə Ərazi İdarəsi	1.136	1,8%
10.	11 saylı Şəmkir Ərazi İdarəsi	919	1,7%
11.	14 saylı Şamaxı Ərazi İdarəsi	870	1,4%
12.	6 saylı Beyləqan Ərazi İdarəsi	861	1.4%
13.	10 saylı Lənkəran Ərazi İdarəsi	808	1,4%
14.	12 saylı Şəki Ərazi İdarəsi	778	1,2%
15.	15 saylı Tovuz Ərazi İdarəsi	710	1,2%
16.	8 saylı Cəlilabad Ərazi İdarəsi	623	1,0%
17.	18 saylı Zaqatala Ərazi İdarəsi	508	0,9%
18.	16 saylı Ucar Ərazi İdarəsi	505	0,9%
Ölkə üzrə		61.393	100,0%

Mənzillərin ən çox girov qoyulduğu bölgələr

2023-cü ilin yanvar-sentyabr ayları ərzində ölkədə mənzillərin ən çox girov qoyulduğu ərazilər Bakı, Abşeron və Sumqayıtdır. Girov qoyulan mənzillərin 93,4%-i bu 3 ərazi idarəsinin payına düşür. Mənzillərin ən az girov qoyulduğu bölgələr isə 9 saylı Qəbələ (13 müqavilə), 14 saylı Şamaxı (21 müqavilə) və 11 saylı Şəmkir (24 müqavilə) ərazi idarələridir.

Mənzillərin ən çox girov qoyulduğu ərazi idarələrinin siyahısı

Sıra №	Ərazi idarələri	İpoteka müqaviləsinin sayı	Ölkə üzrə göstəricidə payı (faizlə)
1.	1 saylı Bakı Ərazi İdarəsi	25.398	72,1%
2.	4 saylı Abşeron Ərazi İdarəsi	5.339	15,1%
3.	2 saylı Sumqayıt Ərazi İdarəsi	2.174	6,2%
4.	3 saylı Gəncə Ərazi İdarəsi	1.086	3,1%
5.	17 saylı Yevlax Ərazi İdarəsi	416	1,2%
6.	13 saylı Şirvan Ərazi İdarəsi	255	0,7%

Fərdi yaşayış evlərinin ən çox girov qoyulduğu bölgələr

2023-cü ilin 9 ayı ərzində girov qoyulan fərdi yaşayış evlərinin sayına görə də paytaxt Bakı ilk yeri tutur. Bununla belə, bölgələrdə də bu kateqoriya üzrə aktivlik müşahidə olunur. Belə ki, bölgələrdə fərdi yaşayış evlərinin ən çox girov qoyulduğu ərazilər 3 saylı Gəncə, 5 saylı Xaçmaz, 7 saylı Bərdə və 10 saylı Lənkəran ərazi idarələrinin əhatə etdiyi rayonlardadır.

Fərdi yaşayış evlərinin ən çox girov qoyulduğu ərazi idarələrinin siyahısı

Sıra №	Ərazi İdarələri	İpoteka müqaviləsinin sayı	Ölkə üzrə göstəricidə payı (faizlə)
1.	1 saylı Bakı Ərazi İdarəsi	2.479	28,3%
2.	4 saylı Abşeron Ərazi İdarəsi	1.484	16,9%
3.	3 saylı Gəncə Ərazi İdarəsi	773	8,8%
4.	5 saylı Xaçmaz Ərazi İdarəsi	479	5,5%
5.	7 saylı Bərdə Ərazi İdarəsi	426	4,9%
6.	10 saylı Lənkəran Ərazi İdarəsi	347	4,0%

Torpaq sahələrinin ən çox girov qoyulduğu bölgələr

Hesabat dövrü ərzində ən çox torpaq sahəsinin girov qoyulduğu ərazilər sırasında ilk üçlüyü müvafiq olaraq 5 saylı Xaçmaz, 1 saylı Bakı və 4 saylı Abşeron ərazi idarələri tamamlayır. Torpaqların ən az girov qoyulduğu bölgələr isə 16 saylı Ucar (166 müqavilə) və 8 saylı Cəlilabad (176 müqavilə) ərazi idarələrinin əhatə etdiyi rayonlardır.

Torpaq sahələrinin ən çox girov qoyulduğu ərazi idarələrinin siyahısı

Sıra №	Ərazi idarələri	İpoteka müqaviləsinin sayı	Ölkə üzrə göstəricidə payı (faizlə)
1.	5 saylı Xaçmaz Ərazi İdarəsi	2.308	19,4%
2.	1 saylı Bakı Ərazi İdarəsi	1.396	11,7%
3.	4 saylı Abşeron Ərazi İdarəsi	1.297	10,9%
4.	9 saylı Qəbələ Ərazi İdarəsi	1.144	9,6%
5.	14 saylı Şamaxı Ərazi İdarəsi	670	5,6%
6.	3 saylı Gəncə Ərazi İdarəsi	612	5,1%