"Expressbank" ASC 2023-cü ilin 9 ayı üzrə maliyyə göstəricilərini açıqlayıb.

Marja.az xəbər verir ki, "Expressbank" ASC 2023-cü ilin 9 ayını (yanvar-sentyabr) 9 milyon 968 min manat xalis mənfəət ilə başa vurub. Bank ötən ilin eyni dövrünü manat xalis 11 milyon 235 min manat mənfəət ilə bağlamışdı.  

GƏLİRLƏRİ ARTIB

2023-cü ilin yanvar-sentyabr dövründə ötən ilin eyni dövrü ilə müqayisədə "Expressbank" ASC-ın faiz gəlirləri 18,5% artaraq 42 milyon 218 min manat, qeyri-faiz gəlirləri 2,9% artaraq 14 milyon 4 min manat təşkil edib. 

Cari ilin 9 ayında "Expressbank" ASC cəmi əməliyyat gəlirləri 56 miylon 221 min manat, cəmi əməliyyat xərcləri 42 milyon 765 min manat, gəlirlər xərcləri üstələdiyindən əməliyyat mənfəəti 13 miylon 457 min manat təşkil edib. Ötən ilin eyni dövründə Bankın əməliyyat mənfəəti 13 milyon 136 min manat olmuşdu. Əməliyyat mənfəətin artmasına qarşılıq Bankın xalis mənfəətinin azalması bu il mümkün zərərlər üçün yaradılan məqsədli ehtiyatlara 1 milyon 16 min manat ayrılması ilə əlaqədardır. Ötən ilin 9 ayında ehtiyatlardan azad olmuş 655 min manat mənfəətə əlavə edilmişdi.

2023-cü ilin yanvar-sentyabr dövründə (9 ayda) ötən ilin sonu ilə müqayisədə "Expressbank" kredit portfeli (müştərilərə verilmiş kreditlər) 63 milyon 226 min manat artaraq 30 sentyabr 2023-cü il tarixində 360 milyon 310 min manata çatıb. O cümlədən, Bankın istehlak kreditləri portfeli 25 milyon 971 min manat artaraq 185 milyon 340 min manata, biznes kreditləri portfeli 7 milyon 127 min manat artaraq 102 milyon 972 min manata, ipoteka kreditləri portfeli isə 30 milyon 128 min manat artaraq 71 milyon 998 min manata yüksəlib. Bankın xalis kredit portfeli (mümkün zərərlər üçün yaradılan məqsədli ehtiyat xaric) 63 miylon 797 min manat artaraq 355 milyon 425 min manata çatıb. 

30 sentyabr 2023-cü il tarixində "Expressbank" ASC  125 milyon 196 min manat məcmu kapitala malik olub.