Azərbaycanın ictimai-siyasi həyatında səmərəli fəaliyyətinə görə Məşhur Şahbaz oğlu Məmmədov “Şöhrət” ordeni ilə təltif edilib.

"Marja" xəbər verir ki, bu barədə Prezident İlham Əliyev müvafiq sərəncam imzalayıb.

Qeyd edək ki, oktyabrın 4-də M.Məmmədovun 60 yaşı tamam olur.

Məşhur Məmmədov əslən Masallı rayonundandır və "Perla" mebel şirkətinin sahibidir. 

XXX

M.Ş.Məmmədovun “Şöhrət” ordeni ilə təltif edilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Azərbaycan Respublikasının ictimai-siyasi həyatında səmərəli fəaliyyətinə görə Məşhur Şahbaz oğlu Məmmədov “Şöhrət” ordeni ilə təltif edilsin.

İlham Əliyev

Azərbaycan Respublikasının Prezidenti

Bakı şəhəri, 3 oktyabr 2023-cü il

XXX

MƏMMƏDOV Məşhur Şahbaz oğlu

1963-cü il oktyabrın 4-də Masallı rayonunun Yeddioymaq kəndində anadan olmuşdur. Azərbaycan Dövlət Neft və Kimya İnstitutunun Əməyin təşkili və normalaşdırılması fakültəsini bitirmişdir. "Tərəqqi" medalı ilə təltif edilmişdir. Rus dilini bilir.

1983–1990-cı illərdə ali məktəbdə təhsil almış, hərbi xidmət keçmişdir. 1990–1996-cı illərdə Masallı rayonunda kooperativin sex rəisi olmuş, 1996– 1999-cu illərdə "Mədinə" mebel şirkətinin direktoru, 1999–2002-ci illərdə "EBME" şirkətinin direktoru, 2002–2009-cu illərdə "Embawood" MMC-nin direktoru, 2009–2011-ci illərdə "Embawood İnşaat" MMC-nin direktoru, 2011–2014-cü illərdə "Embawood" MMC-nin baş direktorunun birinci müavini, 2014–2020-ci illərdə "Progress Construction" MMC-nin direktoru vəzifələrində çalışmışdır. Hazırda Azərbaycan Mebel İstehsalçıları Assosiasiyasının sədridir.

Yeni Azərbaycan Partiyasının üzvüdür.

Milli Məclisin Təbii ehtiyatlar, energetika və ekologiya komitəsinin, İqtisadi siyasət, sənaye və sahibkarlıq komitəsinin, İntizam komissiyasının üzvüdür. Belarus, İordaniya, Moldova, Norveç, Polşa, Ukrayna parlamentləri ilə əlaqələr üzrə işçi qruplarının üzvüdür.

Parlamentlərarası İttifaqda Azərbaycan nümayəndə heyətinin üzvüdür.

Evlidir, 4 övladı var.

Partiya mənsubiyyəti: Yeni Azərbaycan Partiyası