İki qardaşa məxsus olan BOKT-ın xalis mənfəəti kəskin azalıb

İki qardaşa məxsus olan BOKT-ın xalis mənfəəti kəskin azalıb

İki qardaşa məxsus olan BOKT-ın xalis mənfəəti kəskin azalıb

Bank Olmayan Kredit Təşkilatı (BOKT) "FİNOKO" ASC 2023-cü ilin 1-ci yarısını (yanvar-iyun) 65 min manat xalis mənfəət ilə başa vurub. Təşkilat 2022-ci ilin birinci yarısını 186 min manat xalis mənfəət ilə bağlamışdı. Beləliklə, "FİNOKO"nın xalis mənfəəti 2,9 dəfə azalıb.

Marja.az Təşkilatın yarımillik hesabatına istinadən xəbər verir ki, 2023-cü ilin ilk 6 ayında BOKT "FİNOKO" ASC-nin faiz gəlirləri 2 milyon 936 min manat, qeyri-faiz gəlirləri 361 min manat, əməliyyat mənfəəti 59 min manat təşkil edib. 2022-ci ilin birinci yarısında Təşkilatın faiz gəlirləri 2 milyon 898 min manat, qeyri-faiz gəlirləri 325 min manat, əməliyyat mənfəəti 187 min manat təşkil etmişdi. "FİNOKO"nun gəlirləri cüzi artsa da, qeyri-faiz xərclərinin daha çox artması xalis mənfəətinin düşməsinə səbəb olub.

VTB-də minimal faiz dərəcəsi ilə nağd kredit 9.9%-dən

30 İyun 2023-cü il tarixində BOKT "FİNOKO" ASC-nin kredit portfeli (müştərilərə verilmiş kreditlər) 22 milyon 260 min manat təşkil edib. Təşkilatın kredit portfeli ötən ilin eyni tarixində 21 milyon 606 min manat, ötən ilin sonunda isə 23 milyon 921 min manat təşkil etmişdi.

Bölüşdürülməmiş mənfəətin istifadəsilə əlaqədar olaraq BOKT "FİNOKO" ASC-nin cəmi kapitalı ötən ilin İyun ayının sonundakı 7 milyon 911 min manatdan 5 milyon 113 min manata geriləyib.

30 İyun 2023-cü il tarixində BOKT "FİNOKO" ASC-nin 94 nəfər işçisi olub.

BOKT "FİNOKO" ASC-nin səhmdarları Əliyev Elçin Rəşid oğlu və Əliyev Elmar Rəşid oğludur. 30 İyun 2023-cü il tarixində Təşkilat 4 milyon 855 min manat nizamnamə kapitalına malik olub.