"Bank of Baku" ASC ASC 2023-cü ilin birinci yarısını (yanvar-iyun) 17 milyon 44 min manat xalis mənfəət ilə başa vurub. Bank ötən ilin eyni dövrünü 18 milyon 501 min manat xalis mənfəət ilə bağlamışdı. Xalis mənfəətin azalması, əsasən, mümkün zərərlər üçün yaradılan məqsədli ehtiyatlardana azad olan vəsain azalması ilə əlaqədardır.

Marja.az xəbər verir ki, "Bank of Baku"nın faiz gəlirləri 2023-cü ilin birinci yarısında 2022-ci ilin birinci yarısı ilə müqayisədə 16 milyon 138 min manat və ya 35,8% artaraq 61 milyon 170 min manat, qeyri-faiz gəlirləri isə 891 min manat və ya 14,7% azalaraq 5 milyon 186 manat təşkil edib.

2023-cü ilin birinci yarısında "Bank of Baku"nın cəmi əməliyyat gəlirləri (faiz və qeyri-faiz gəlirləri) 66 milyon 356 min manat, cəmi əməliyyat xərcləri 50 milyon 122 min manat, gəlirlər xərcləri üstələdiyindən əməliyyat mənfəəti 16 milyon 234 min manat təşkil edib. Həmçinin, mümkün zərərlər üçün yaradılan məqsədli ehtiyatlardana azad olan 7 milyon 322 min manat mənfəətə əlavə edilib. "Bank of Baku" 23 milyon 556 min manat mənfəətindən 6 milyon 514 min manat mənfəət vergisi ödəyib.

Müqayisə üçün qeyd edək ki, 2022-ci ilin birinci yarısında "Bank of Baku"nın cəmi əməliyyat gəlirləri 51 milyon 110 min manat, cəmi əməliyyat xərcləri 34 milyon 378 min manat, əməliyyat mənfəəti 16 milyon 732 min manat təşkil etmişdi. Həmçinin, mümkün zərərlər üçün yaradılan məqsədli ehtiyatlardana azad olan 5 milyon 672 min manat mənfəətə əlavə edilmişdi. "Bank of Baku" 22 milyon 404 min manat mənfəətindən 3 milyon 903 min manat mənfəət vergisi ödəmişdi.

BANK DAHA DA BÖYÜYÜB

"Bank of Baku"nın cəmi aktivləri ötən ilin sonu ilə müqayisədə 93 milyon 179 min manat və ya 13,3% artaraq 30 iyun 2023-cü il tarixində 794 milyon 410 min manat təşkil edib. Bankın kredit portfeli (müştərilərə verilmiş kreditlər) 40 milyon 320 min manat və ya 7% artaraq 617 milyon 854 min manata çatıb.

"Bank of Baku"da depozitlər 2023-cü ilin birinci yarısında 2022-ci ilin sonu ilə müqayisədə 74 milyon 779 min manat və ya 20,5% artaraq 440 milyon 311 manata yüksəlib.

30 İyun 2023-cü il tarixində "Bank of Baku" 131 milyon 934 min manat məcmu kapitala malik olub.