"Naxçıvanbank" ASC 2023-cü ilin birinci yarısını (yanvar-iyun) 8 milyon 72 min manat xalis mənfəət ilə başa vurub. Bank ötən ilin eyni dövrünü 7 milyon 814 min manat xalis mənfəət ilə bağlamışdı. Beləliklə, "Naxçıvanbank"ın xalis mənfəəti 2023-cü ilin birinci yarısında 2022-ci ilin birinci yarısı ilə müqayisədə 258 min manat və ya 3,3% artıb.

GƏLİRLƏRİ ARTIB

2023-cü ilin birinci yarısında "Naxçıvanbank" ASC-nin cəmi əməliyyat gəlirləri (faiz və qeyri-faiz gəlirləri) 14 miylon 309 min manat, cəmi əmi əməliyyat xərcləri (faiz və qeyri-faiz xərcləri) 5 milyon 991 min manat, əməliyyat mənfəəti 8 milyon 319 min manat təşkil edib. Aktivlər üzrə mümkün zərərlərin ödənilməsi üçün xüsusi ehtiyatdana azad olan  659 min manat mənfəətə əlavə edilib və mənfəət 8 milyon 977 min manaat yüksəlib. "Naxçıvanbank" 906 min manat mənfəət vergisi ödəyib.

Müqayisə üçün qeyd edək ki, 2022-ci ilin birinci yarısında "Naxçıvanbank"ın cəmi əməliyyat gəlirləri 12 milyon 509 min manat, cəmi əməliyyat xərcləri (faiz və qeyri-faiz xərcləri) 4 milyon 335 min manat, əməliyyat mənfəəti 8 milyon 174 min manat təşkil etmişdi. Bank əməliyyat mənfəətindən 361 min manat aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırmışdı. 

"Naxçıvanbank"ın cəmi gəlirlərinin 1 milyon 800 min manat artmasına qarşılıq, cəmi xərcləri 1 milyon 656 min manat artıb.

KREDİT PORTFELİ 200 MİLYON MANATI AŞIB

"Naxçıvanbank"ın cəmi aktivləri ötən ilin sonu ilə müqayisədə 14,6% azalaraq 30 iyun 2023-cü il tarixində 295 milyon 773 min manat təşkil edib. Bankın kredit portfeli isə (müştərilərə verilmiş kreditlər) 17,9% artaraq 204 milyon 701 min manata çatıb. Ötən ilin sonunda Bankın kredit portfeli 173 milyon 622 min manat təşkil etmişdi.

"Naxçıvanbank"da depozitlər 2023-cü ilin birinci yarısında 2022-ci ilin sonu ilə müqayisədə  27,8% azalaraq 112 milyon 221 min manata düşüb.   

30 İyun 2023-cü il tarixində "Naxçıvanbank" 97 milyon 823 min manat məcmu kapitala malik olub.