“OBA” ilə DMA arasında memorandum imzalandı – Vətəndaşlara şad xəbər!

“OBA” ilə DMA arasında memorandum imzalandı – Vətəndaşlara şad xəbər!

(®) Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi ilə Veysəloğlu Şirkətlər Qrupuna daxil olan “OBA Market” MMC arasında əməkdaşlıq memorandumu imzalanıb

Marja xəbər verir ki, sənədi Dövlət Məşğulluq Agentliyinin İdarə Heyəti sədrinin müavini Rüfət Cavadov və “OBA Market” MMC-nin İdarə Heyətinin sədri Natəvan İbrahimova imzalayıb.

Razılaşmaya əsasən, iki qurum arasında qarşılıqlı maraq kəsb edən layihələr, eləcə də Vətən müharibəsi şəhidlərinin ailə üzvlərinin və müharibə veteranlarının məşğulluğuna dəstək vermək məqsədilə korporativ sosial məsuliyyət layihələri həyata keçiriləcək.

Azərbaycanın dörd bir yanında yaxın və qənaətli qonşu konsepsiyası ilə fəaliyyət göstərən, hər kəsə əlçatan olan “OBA” marketlər şəbəkəsi sosial müdafiəyə xüsusi ehtiyacı olan və işə düzəlməkdə çətinlik çəkən şəxslər üçün əlavə iş yerlərinin yaradılmasına xüsusi diqqət ayırır.

Əməkdaşlıq çərçivəsində ölkənin bütün bölgələrində xalqa xidmət göstərən “OBA” filiallarının üzərində Dövlət Məşğulluq Agentliyi tərəfindən hazırlanan və işsiz vətəndaşlara faydalı olan məlumatlar yerləşdirilib. Məlumatlar sırasında 175 istiqamət üzrə ödənişsiz peşə kursuna qatılmaq, peşəkar CV hazırlamaq, düzgün peşə seçiminə dəstək və sair məsələlər yer alıb.

“OBA” həmçinin “Qadının gücü” sosial layihəsi çərçivəsində qadınların karyera həyatını dəstəkləməyi hədəfləyir. Belə ki, şirkət hər il yeni iş yerləri açaraq yüzlərlə qadının işlə təmin olunmasında müstəsna rol oynayır. Bundan başqa, qadınlar üçün müxtəlif təlim və seminarların keçirilməsi planlaşdırılır.

Qeyd edək ki, ötən il “OBA Market” MMC Məşğulluq Agentliyi tərəfindən “Müharibə iştirakçılarının məşğulluğunun təmin olunmasına dəstək verən ən aktiv özəl sosial tərəfdaş” nominasiyası üzrə mükafata layiq görülüb.