Türkiyədə Dollar kəskin bahalaşdı

Türkiyədə Dollar kəskin bahalaşdı

Mərkəzi Bankının faiz qərarından əvvəl 23.49-a kimi düşən dollar/TL məzənnəsi qərardan sonra 24.60-ı keçərək rekord qırıb. Qərardan əvvəl 25,71-ə kimi düşən Avro/TL, qərardan sonra 27-ni keçib.

Türkiyə Cümhuriyyəti Mərkəzi Bankının (TCMB) yeni sədri Gaye Erkanın rəhbərliyi altında keçirilən ilk iclasda uçot dərəcəsi 6,50 faiz bənd artırılaraq 8,50%-dən 15%-ə yüksəldilib.

Marja.az xəbər verir ki, faiz qərarından sonra valyuta bazarında kəskin hərəkətlər müşahidə olunur. Dollar Türk lirəsi qarşısında 4,8% dəyər qazanaraq 24,62 səviyyəsini keçərək yeni rekord həddi görüb. Avro isə 27,05 lirə səviyyəsini keçib.

VTB-də minimal faiz dərəcəsi ilə nağd kredit 9.9%-dən

Qərardan sonra Borsa İstanbulda BIST 100 indeksində artım 4%-ə yaxınlaşıb.

BAZAR QƏRARI BƏYƏNMƏDİ

Qeyd edək ki, Türkiyə Mərkəzi Bankı uçot dərəcəsini 8,50%-dən 15%-ə qaldırıb. Bazarlar Mərkəzi Bnkın uçot dərəcəsini 25%-ə yaldıracağını gözləyirdi. Mərkəzi Bank uçot dərəcəsini 15%-ə yüksəltdiyi üçün bazarlar məyus olub. Artım bazar gözləntilərindən aşağı olsa da, faiz dərəcələrində mərhələli artımın davam edəcəyi mesajı verilib. Bank sonuncu dəfə 2021-ci ilin martında faiz dərəcələrini artırmışdı.