Çinə birbaşa xarici investisiyalar ilk 5 ayda 5,6 faiz azalıb

Çinə birbaşa xarici investisiyalar ilk 5 ayda 5,6 faiz azalıb

Çinə birbaşa xarici investisiyalar ilk 5 ayda 5,6 faiz azalıb

Çində iqtisadi yavaşlamanın yeni əlaməti olaraq birbaşa xarici investisiyaların azaldığı müşahidə edilir.

Çinə birbaşa xarici investisiyalar 2023-cü ilin birinci rübündə əvvəlki ilin eyni dövrü ilə müqayisədə dollar ifadəsində 0,5% artdıqdan sonra aprel və may aylarında azalma tendensiyasına daxil olub.

Marja Çin Ticarət Nazirliyinin yaydığı məlumata istinadən xəbər verir ki, yanvar-may dövründə ölkəyə birbaşa xarici investisiyalar illik 5,6 faiz azalaraq 84,35 milyard dollar olub.

Birbaşa xarici investisiyalar 2023-cü ilin birinci rübündə əvvəlki ilin eyni dövrü ilə müqayisədə illik 0,5 faiz artıb, ilk dörd ayda isə 3,3 faiz azalıb.

Eyni dövrdə Çinin xaricə birbaşa investisiyaları illik müqayisədə 16,1 faiz artaraq 51,78 milyard dollara çatıb.

İqtisadiyyatda yavaşlama əlamətləri

Birbaşa xarici sərmayələrdə azalma meylinin ikinci rübdə də davam etdiyi, xarici şərtlərlə yanaşı, Çin iqtisadiyyatındakı yavaşlamanın da davam etdiyini göstərir.

May ayı məlumatları göstərir ki, iqtisadiyyat ötən ilin son rübündəki tənəzzüldən sonra bu ilin birinci rübündə tutduğu artım sürətini saxlamaqda çətinlik çəkir.

Çin Milli Statistika Bürosunun məlumatlarına görə, sənaye istehsalı may ayında illik müqayisədə 3,5% artaraq aprel ayındakı 5,6 faiz artımdan aşağı düşüb. Pərakəndə satışlarda aprel ayında 18,4 faiz olan artım mayda 12,7%-ə düşüb.

Ötən ilin yazında Covid-19 epidemiyası ilə əlaqədar həyata keçirilən bağlanma və karantin tədbirlərinin yaratdığı aşağı baza nəzərə alınarsa, əslində istehsal və istehlakda artım daha zəifdir.

17.06.2023 10:43

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az