Avropada ərzaq inflyasiyası rekordlar qırır

Avropada ərzaq inflyasiyası rekordlar qırır

Avropada ərzaq inflyasiyası rekordlar qırır

Avropanın yeddi ölkəsi, o cümlədən Britaniya, Almaniya və Fransa mart ayında müasir tarixdə ən yüksək illik ərzaq inflyasiyası ilə üzləşiblər. Rusiyada isə qiymət artımı aşağıdır - cəmi 2,4%.

Marja xarici mətbuata istinadən xəbər verir ki, martda tarixi maksimumlar Slovakiya (28,2%), Polşa (24%), Almaniya (21,2%), İngiltərə (19,2%), Belçika (18%), Fransa (15,9%) və Lüksemburqda (13,3%) qeydə alınıb. Bu ölkələr arasında inflyasiya 2022-ci ilin martından bəri ən çox sürətlənən Fransada olub (5,5 dəfə). Eyni zamanda Almaniya, Belçika, İngiltərə və Lüksemburqda üç dəfədən çox, Slovakiya və Polşada isə iki dəfədən çox artıb.

VTB-də yüksək depozit faizləri daha çox qazandırır

Bununla belə, yazda ərzaq qiymətlərində maksimum artım Macarıstanda müşahidə olunub və təxminən 45% təşkil edib. İkinci yerdə Slovakiya, üçüncü yerdə isə 27,6 faizlə Litva qərarlaşıb. Dördüncü sırada Ukrayna (26,8%), ilk beşliyi Serbiya (25,4%) bağlayır.

Mart ayında 20%-dən yuxarı ərzaq inflyasiyası daha doqquz ölkədə qeydə alınıb: Estoniya, Latviya, Polşa, Çexiya, Moldova, Şimali Makedoniya, Rumıniya, Almaniya və Bolqarıstan. Ərzaq qiymətlərinin 10%-dən yuxarı artım templəri İsveç, Portuqaliya, Finlandiya, Avstriya, Yunanıstan və İtaliya da daxil olmaqla 21 ölkədə olub.

Ərzaq inflyasiyasının ən aşağı göstəriciləri Norveç (8,6%), Kipr (7,1%) və İsveçrədə (6,3%) müşahidə olunub. Rusiyada ərzaq və alkoqolsuz içkilərin qiymətlərinin artım tempi 2,4% təşkil edib.

Eyni zamanda, il ərzində ərzaq qiymətlərinin artım tempi 35 ölkədə artıb, beş ölkədə isə azalıb. İl ərzində ən böyük azalma Rusiya (-17,2 faiz bəndi), Belarus (-6,4 faiz bəndi) və Moldovada (-5,4 faiz bəndi) baş verib.

Tədqiqat mart ayı üçün məlumatları açıqlayan 40 Avropa ölkəsinin milli statistika xidmətlərinin məlumatları əsasında aparılıb. Ərzaq inflyasiyası göstəricisi ərzaq və alkoqolsuz içkilərin qiymətlərindəki dəyişiklikləri nəzərə alır.

17.05.2023 08:31