Ərəbistanın iri neft şirkətinin xalis mənfəəti azalıb

Ərəbistanın iri neft şirkətinin xalis mənfəəti azalıb

Dünyanın ən dəyərli neft şirkətinin xalis mənfəəti 19 faizdən çox azalaraq 31,9 milyard dollara düşüb.

Ərəbistanın iri neft şirkətinin xalis mənfəəti azalıb

Səudiyyə Ərəbistanının milli neft şirkəti olan "Saudi Aramco"nun 2023-cü ilin birinci rübündə xalis mənfəəti neft qiymətlərinin aşağı olması səbəbindən əvvəlki ilin eyni dövrü ilə müqayisədə 19,2 faiz azalıb.

Marja xəbər verir ki, "Səudiyyə Aramco"nun açıqladığı maliyyə balansına görə, yanvar-mart dövründə xalis mənfəəti 31,9 milyard dollar təşkil edib. Şirkət ötən ilin eyni dövründə 39,5 milyard dollar xalis mənfəət əldə etmişdi.

VTB-də yüksək depozit faizləri daha çox qazandırır

Açıqlamada fikirləri yer alan "Saudi Aramco"nun Baş İcraçı Direktoru Amin Nasser, xalis mənfəətdə azalmaya baxmayaraq şirkətin böyümə strategiyasının planlar daxilində irəlilədiyini vurğulayaraq, şirkətin Çin və Cənubi Koreya, eləcə də ABŞ-da bir sıra mühüm investisiya və tərəfdaşlıqlara imza atdığını bildirib.

Xalis mənfəətin birinci rübdə xam neft qiymətlərinin aşağı səviyyədə olmasından qaynaqlandığına diqqət çəkilən açıqlamada, şirkətin aşağı xərcli kəşfiyyat və hasilat fəaliyyəti (upstream) nəticəsində bu qiymətlərdən ən az təsirləndiyi bildirilib.

Keçən ilin ilk rübündə əvvəlki ilə nisbətən xalis mənfəətini 82% artıran "Aramco" yüksək neft qiymətlərindən yararlanaraq dünyanın ən dəyərli şirkəti siyahısında ABŞ-da yerləşən texnologiya şirkəti Apple-ı geridə qoymuşdu.

Beynəlxalq istinad kimi qəbul edilən “Brent” markalı neftin barelinin qiyməti 2023-cü ilin ilk üç ayında ucuzlaşıb və ən yüksək 89,09 dollar, ən aşağı isə 70,06 dollar diapazonunda ticarət olunub.

Dünyanın ən dəyərli neft şirkəti "Saudi Aramco" 2022-ci ildə rekord məbləğdə - 161,1 milyard dollar xalis mənfəət əldə etmişdi. Şirkətin xalis mənfəəti 2021-ci illə müqayisədə 46,5% artmışdı. Şirkət rekord hasilat həcmi və Rusiyanın Ukraynaya hücumu nəticəsində neftin bahalaşması hesabına yüksək mənfəət əldə etmişdi.

09.05.2023 19:32

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az