FED faiz qərarını açıqladı

FED faiz qərarını açıqladı

FED ardıcıl 10-cu dəfə faiz artırdı. FED-in faiz artırmağı dayandıracağı gözlənilir.

ABŞ Mərkəzi Bankı (FED) faiz qərarını açıqladı.

Marja xəbər verir ki, FED faiz dərəcələrini 0,25 faiz bəndi də artıraraq 5,00%- 5,25% aralığına yüksəldib. FED-in faizləri 4.75% - 5.00% aralığında idi.

VTB-də minimal faiz dərəcəsi ilə nağd kredit 10.49%-dən

Bazarlar da FED-in faizlərini 0,25 bənd artıracağını gözləyirdilər.

Bu, 2022-ci ilin martından bəri 10-cu faiz artımıdır. Beləliklə, faiz dərəcələri 2007-ci ildən bəri ən yüksək səviyyəyə qalxıb.

2022-ci ilin mart ayında faiz artırmağa başlayan FED, son 3 iclasında artım sürətini yavaşladıb və hər birində 0,25 faiz bəndi artımla davam edib.

FED-in bu gün faiz dərəcələrini artırsa da, gözlənti (proqnoz) onun iyun iclasında inflyasiyanı ram etmək üçün indiyədək atdığı addımların təsirlərini qiymətləndirmək üçün fasilə verəcəyidir. FED inflyasiyanın 2%-lik hədəf dərəcəsinə qayıtdığına dair güclü sübutlar görmək istəyir.

Əmək bazarı FED-in qiymətləndirdiyi başqa bir amildir. Bu səhər ADP özəl sektor hesabatı iqtisadiyyatın aprel ayında gözləniləndən daha çox iş yerləri yaratdığını göstərib.

FED-in faiz artırmağa fasilə verəcəyi ehtimalı ilə əlaqədar olaraq Dollar ucuzlaşıb. Bakı vaxtı ilə saat 22:14-də Avro/Dollar məzənnəsi 0,6% artımla 1.1065 dollara yüksəlib (Avro bahalaşıb, dollar ucuzlaşıb).

FED-in faizlərini artırması kredit şərtlərini ağırlaşdırıb, iqtisadi fəaliyyəti zəiflədib. Bu səbəbdən ABŞ-da növbəti dəfə böhran gözləntiləri artıb. Böhran baş verərərsə, xam əmtəələrə, o cümlədən neftə tələb azalacaq. Bu səbəbdən neft qiymətləri sürətlə düşüb. Hazırda Brent nefti 72 dollar səviyyələrindədir. Son 24 saatda neft qiymətləri 9% civarında düşüb.

ABŞ-da bankların bir-bir ardıcıl iflas etmələri, iqtisadi aktivliyin azalması FED-i dayanmağa məcbur edir. Bu səbəbdən FED-in faiz artırmağa fasilə verəcəyi, payızdan etibarən faizlərini aşağı salmağa başlayacağı nəzərdə tutulur. Bu səbəbdən ABŞ valyutası dəyər itirir.

Dolların ucuzlşaması ilə əlaqədar olaraq qızıl bahalaşıb və unsiyasının qiyməti 2023 dollara çatıb.

03.05.2023 22:01

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az