Azərbaycanın təcrübəli bankiri bank sektorundakı mövcud riskləri açıqladı

Azərbaycanın təcrübəli bankiri bank sektorundakı mövcud riskləri açıqladı

Azərbaycanın təcrübəli bankiri bank sektorundakı mövcud riskləri açıqladı

Unibank-ın Müşahidə Şurasının sədri Eldar Qəribov Azərbaycanın bank sistemdə mövcud olan riskləri açıqlayıb.

Marja.az xəbər verir ki, təcrübəli bankir müsahibəsində, "Şübhəsiz ki, yüksək inflyasiya ölkə əhalisinin real gəlirlərinə mənfi təsir göstərir və nəzəri cəhətdən bankların kredit portfelləri üçün əlavə risklər yarada bilər, baxmayaraq ki, biz bunu hələ müşahidə etmirik", - deyib və əlavə edib:

"Eynilə, mənfi ssenari reallaşarsa və dünya iqtisadiyyatı tənəzzülə uğrayarsa, bu, istər-istəməz enerji resurslarının (neft, qaz - red) istehlakının azalmasına və müvafiq olaraq onların qiymətlərinin aşağı düşməsinə gətirib çıxaracaqdır. Ölkəmizin iqtisadiyyatının neft gəlirlərindən hələ də yüksək asılılığını nəzərə alsaq, bu, həm də əlavə risk faktorudur".

Bankirin sözlərinə görə, digər bir risk, bankların fəaliyyətinə birbaşa təsir edən tələblərdə və qanunvericilikdə həmişə proqnozlaşdırıla bilməyən dəyişikliklər ola bilər.

"Bank sektorunda konsentrasiyanın (təmərküzləşmə, bir və ya bir neçə əldə cəmləşmə - red) yüksək səviyyəsi, əmanətlərin dollarlaşması, himayədarlıq və "əməkhaqqı köləliyi", qanunvericiliyimizin mükəmməl olmaması, məhkəmə sistemindəki problemlər və s.. Güclü bank sistemi qurmaq istəyiriksə, bunların hamısı həll edilməli olan məsələlərdir", - Unibankın əsas səhmdarı bildirib.

Qeyd edək ki, "əməkhaqqı köləliyi" dedikdə, işçinin, maaşlarının hesaba köçürüləcəyi bankı müstəqil seçə bilməməsidir. İşçiyə əməkhaqqını, şirkətin əməkdaşlıq etdiyi bankdan fərqli bankın kartı ilə almaq seçimi təklif edilmir. Adətən, bir neçə iri bank müəyyən vasitələrdən istifadə edərək şirkətləri əməkhaqqı kartı layihələrinə cəlb edirlər. Nəticədə milyonlarla insana kredit vermək onlar üçün asanlaşır, digər banklar üçün çətinləşir.

Həmçinin oxu

Председатель Наблюдательного совета Unibank о рисках в банковской системе Азербайджана

20.04.2023 11:25

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az