Rusiyada Henkel brendləri ruslaşdırılır

Rusiyada Henkel brendləri ruslaşdırılır

"Henkel Russia" kimi tanınan “Lab Industries” şirkəti aktiv satışı ilə bağlı sövdələşmənin hələ tamamlanmamasına baxmayaraq, portfelindəki brendləri ruslaşdırmağa başlayıb.

Marja xəbər verir ki, məhsullar eyni dizayndadır, lakin adlar rus dilində adlarla əvəz olunur. Məsələn, Vernel yumuşatıcı "Вернель", Persil yuyucu tozu indi "Персил", Bref tualet maddələri isə "Бреф" olub. Məhsul reklamlarından birində belə yazılıb: "Hərfləri dəyişdik, əlavə heç nə dəyişməyib".

Bu ilin yanvar ayından etibarən "Henkel Rusiya" "Lab Industries" adı ilə müstəqil şirkət kimi fəaliyyət göstərir. Şirkətdən bildirilib ki, ölkədə aktivlərin satışı üzrə əməliyyat son mərhələdədi: "İmzalanmadan əvvəl biz heç bir əlavə məlumat verə bilmərik: nə sövdələşmə, nə məhsul portfeli və ya ayrı-ayrı brendlər üçün biznes planlar haqqında. Eyni zamanda, "Вернель"-in Lab Industries tərəfindən istehsal olunduğunu təsdiqləyə bilərik".

Bildirilib ki, "bəzi Henkel markalarının adları istehsalçının özü tərəfindən ruslaşdırılıb". Vurğulanıb ki, brend adlarının latın əlifbası ilə deyil, kiril əlifbası ilə yazılmasından başqa heç nə dəyişməyib və mallar adın yazılışının dəyişdirilməsindən əvvəl olduğu kimi həmin müəssisələrdə istehsal olunur və satışdan əvvəl də yoxlanılır.

Henkel şirkətlər qrupu məişət kimyası, kosmetika və tikinti məhsulları istehsal edən Avropanın ən böyük kimya konsernilərindən biridir. Şirkətin brendləri arasından Moment, Pemolux, Persil, Pemos, Losk, Laska, Vernel, Fa, Taft, Shamtu, Schwarzkopf, Syoss, Ceresit, Metylan və s. adlarını çəkmək olar. Ötən ilin yazında şirkət Rusiyada fəaliyyətini dayandırdığını açıqlamışdır. Henkel, satış başa çatdıqdan sonra Rusiya biznesinin bütün fəaliyyətlərinə nəzarətdən imtina etmək niyyətindədir.

Henkel Moment Pemolux Persil Pemos Losk Laska Vernel Fa Taft Shamtu Schwarzkopf Syoss Ceresit Metylan

16.04.2023 10:14

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az