Zaur İsmayılov: “Dijital marketinq üzrə bütün yenilikləri Azərbaycanda da tətbiq etmək niyyətindəyik” - FOTO
“Havas Media Azərbaycan” reklam agentliyi dijital marketinq sahəsindəki son yenilikləri tətbiq etmək üçün dijital sahədə qabaqcıl texnologiyaları tədris edən “Code Academy” ilə strateji əməkdaşlıq sazişi imzalayıb.
"Marja" xəbər verir ki, əməkdaşlıq çərçivəsində ilkin olaraq agentlik işçilərinin təhsil mərkəzində biliklərini artırmaları, “Code Academy” tələbələrinin isə agentlikdə təcrübə keçərək biliklərini möhkəmləndirmələri nəzərdə tutulur.
14 iyun tarixində baş tutan sazişin imzalanma mərasimində çıxış edən “Code Academy”nin rəhbəri Ülvi Aslanov təhsil mərkəzi haqqında məlumat verərək məqsədlərinin dijital texnologiyalar sahəsində qlobal bazarda da rəqabət apara biləcək kadrlar hazırlamaq olduğunu bildirdi. Bu əməkdaşlığın “Code Academy” üçün çox önəmli olduğunu qeyd edən Ülvi Aslanov bunları dedi:
“Digital Marketing Institute” (DMI) ilə rəsmi partnyorluq əsasında qlobal standartlara uyğun dijital marketinq dərsləri tədris edirik. Tələbələrimizin aldığı təhsili tətbiq etmək üçün də ən uyğun yerlərdən biri, əlbəttə ki, qlobal reklam agentliyidir.”
Azərbaycanda fəaliyyət göstərən ən qabaqcıl agentliklərdən olan “Havas Media Azərbaycan”ın dijital marketinqə xüsusi diqqət ayırmasının digər agentliklər üçün də örnək olacağını vurğulayan “Code Academy” rəhbəri bu əməkdaşlığın bütövlükdə sektorun inkişafına töhfə verəcəyinə inandığını da sözlərinə əlavə etdi.
Mərasimdə çıxış edən “Havas Media Azərbaycan” agentliyinin icraçı direktoru Zaur İsmayılov rəhbərlik etdiyi şirkətin ötən illər ərzində reklam bazarında əldə etdiyi uğurlardan, həyata keçirdiyi layihələrdən danışdı. “Havas Media Azərbaycan” 2009-cu ildən bu yana həm kreativ agentlik, həm də media satınalma şirkəti olaraq yerli reklam bazarının aparıcı oyunçularından biri kimi fəaliyyət göstərib. Bundan sonra həm də dijital marketinq üzrə ciddi layihələr həyata keçirməyi hədəfləyirik” deyən Zaur İsmayılov bu istiqamətdə “Code Academy” ilə əməkdaşlığa başlamaqdan məmnun olduqlarını qeyd etdi. Zaur İsmayılov daha sonra “Artıq ənənəvi reklam və media kanalları ilə qarşıya qoyulan məqsədə tam olaraq çatmaq qeyri-mümkündür. Əvəzində dijital marketinqin, sosial media kanallarının rolu get-gedə artmaqdadır” deyərək sözlərini belə davam etdirdi:
“Biz də “Havas Media Azərbaycan” olaraq müştərilərimizə hər zaman innovativ və faydalı həll yolları təklif etdiyimizdən bu sahə üzrə qlobal trendləri yerli bazarda daha effektiv şəkildə tətbiq etməyi hədəfləmişik. Bu işdə biz “Havas” beynəlxalq şəbəkəsinin sosial media və proqramlaşdırma üzrə ixtisaslaşmış agentliklərinin təcrübələrindən və sırf dijital media üzrə nəzərdə tutulan vasitələrindən faydalanırıq. Bu imkanımıza dəstək olaraq yerli məkanda dijital marketinq və proqramlaşdırma üzrə peşəkar mütəxəssislərin hazırlanmasında önəmli işlər görən “Code Academy” ilə iş birliyimiz Azərbaycanda dijital marketinqin dünya trendləri ilə ayaqlaşmasına hesablanıb”. Agentlik rəhbəri imzalanan strateji əməkdaşlıq sazişinin bu istiqamətdə atılan ilk addım olduğunu və gələcəkdə uğurlu töhfələr verəcəyinə böyük ümid bəslədiyini də vurğuladı.
2015-ci ildə fəaliyyətə başlayan “Code Academy” texnologiya sahəsində təcrübəli kadrlar hazırlayan tədris müəssisəsidir. Burada proqramlaşdırma, sistem adminstratorluğu, dizayn, dijital marketinq kimi istiqamətlər üzrə fərdi və korporativ tədris proqramları həyata keçirilir. “Code Academy” 2017-ci ildən etibarən mərkəzi İrlandiyada olan “Digital Marketing Institute”un Azərbaycan üzrə rəsmi partnyorudur.
2009-cu ildən fəaliyyət göstərən “Havas Media Azərbaycan” şirkəti qlobal “Havas” reklam agentlikləri şəbəkəsinin Azərbaycan üzrə nümayəndəsidir. Agentlik həm media satınalma, həm də kreativ həllər üzrə bir çox yerli və qlobal şirkətə xidmət göstərir.
Müştərilərin xəbərləri
“FireWall 2026” hakatonuna start verilir - qalib komandalar 4000 manatadək pul mükafatı ilə təltif olunacaqlar
Dövlət-özəl tərəfdaşlığı çərçivəsində maliyyə savadlılığı və kibertəhlükəsizlik mövzusunda təlim keçirilib
SON XƏBƏRLƏR
- 1 ay sonra
- 4 həftə sonra
-
2 həftə sonra
“Sizin Lombard”ın “36% Qızıl payız” kampaniyası davam edir ®
-
- 1 gün əvvəl
-
1 gün əvvəl
UForex Şəxsi Kabineti: Treyderlər üçün vahid idarəetmə platforması ®
- 1 gün əvvəl
- 1 gün əvvəl
-
1 gün əvvəl
Süni intellekt maliyyə riskləri siyahısında birinci oldu – FED-in sorğusunda üç narahatlıq
-
1 gün əvvəl
Trampın Çin səfərində “Nvidia” ilə bağlı casusluq iddialarını gündəmə gətirəcəyi gözlənilmir
- 1 gün əvvəl
-
1 gün əvvəl
“Starship”in 15-ci sınağı – birinci pillə körfəzdə alovlandı, ikinci pillə uçuşa davam etdi
-
1 gün əvvəl
Nvidia-nın bazar dəyəri 4 trilyon dollardan aşağı düşdü – Huanqın istefası şirkəti sarsıdır
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Noyabrın 15-də gözlənilən hava şəraiti
Qeyri-sabit hava şəraiti ilə bağlı əhaliyə müraciət edildi
Süni intellekt maliyyə riskləri siyahısında birinci oldu – FED-in sorğusunda üç narahatlıq
Trampın Çin səfərində “Nvidia” ilə bağlı casusluq iddialarını gündəmə gətirəcəyi gözlənilmir
Ən çox oxunanlar
Azərbaycan neftinin son qiyməti
“Starship”in 15-ci sınağı – birinci pillə körfəzdə alovlandı, ikinci pillə uçuşa davam etdi
Nvidia-nın bazar dəyəri 4 trilyon dollardan aşağı düşdü – Huanqın istefası şirkəti sarsıdır
ABB istiqrazlarına investor marağı davam edir: iki buraxılış üzrə sifarişlər 22 milyon manatı keçib
Avtomobil lizinqi ilə məşğul olan şirkət kapitalını artır
Vyetnam şirkətilə Azərbaycanda elektrik nəqliyyat vasitələrinin yığılması müzakirə edilib






















