Avropada tanınmış bankların ofislərinə vergidən yayınma şübhəsi ilə basqın edilib

Parisdə 5 bankda axtarışlara başlanılıb

Avropada tanınmış bankların ofislərinə vergidən yayınma şübhəsi ilə basqın edilib

Fransanın paytaxtı Parisdə 5 bankın baş ofisinə vergidən yayınma şübhəsi ilə basqın edilib.

Marja xəbər verir ki, Milli Maliyyə Prokurorluğu (PNF) Societe Generale, BNP Paribas, Exane, Natixis və HSBC banklarında axtarışlar aparır.

VTB-də minimal faiz dərəcəsi ilə nağd kredit 10.49%-dən

Prokurorluq bu 5 bankın La Defense bölgəsindəki qərargahına, onların çirkli pulları yuduqları və yüksək dərəcədə vergidən yayındıqları səbəbi ilə basqın edib.

Axtarışın 2021-ci ilin dekabrında açılmış ilkin araşdırmalar çərçivəsində aparıldığı bildirilir.

Sözügedən istintaqa bu bankların xarici səhmdarlar üçün dividend vergisindən yayınmağa yönəlmiş "Cum-Ex" mexanizmi ilə əlaqədar çirkli pulların yuyulması və yüksək vergilərdən yayınması ilə bağlı fayllar daxildir.

“Le Monde” qəzetinin 2018-ci ildə bankların bu yolla hər il Fransaya milyardlarla dollar zərər vurması barədə məlumat yaymasından sonra prokurorluq 2021-ci ildə ilkin araşdırmaya başlayıb.

Avropada, xüsusilə Almaniya və Hollandiyada bənzər araşdırmaların açıldığı bildirilir, "Cum-Ex" mexanizmi nəticəsində Avropa miqyasında 20 ildə 140 milyard avronun itirildiyi təxmin edilir.

XXX

Almaniya və Fransanın hüquq-mühafizə orqanları BNP Paribas, Societe Generale, HSBC bankları və digər maliyyə qurumlarının ofislərində vergidən yayınmada şübhələndikləri üçün reyd keçiriblər.

Marja xəbər verir ki, bu barədə çərşənbə axşamı Handelsblatt qəzeti məlumat yayıb.

Məlumata görə, 200-ə yaxın hüquq-mühafizə orqanı Parisin La Defense maliyyə rayonunda bir neçə banka reyd keçirib. Yuxarıda qeyd olunan maliyyə qurumlarından başqa, Fransanın ən böyük korporativ və investisiya banklarından biri olan Natixis və investisiya bankı Exane-də də axtarışlar aparılıb.

Qəzetin yazdığına görə, reydlərin səbəbi ilk növbədə qanunsuz sahibkarlıq şübhəsidir.

28.03.2023 16:19