Rusiya neftin qiymətinin artacağını gözləyir

Rusiya neftin qiymətinin artacağını gözləyir

Rusiya neftin qiymətinin artacağını gözləyir

"Dünya bazarında neftin qiymətinin enməsinə ABŞ-dakı bank böhranı səbəb olub, qısa müddətdə qiymətlər əvvəlki səviyyələrinə qayıdacaqlar".

Marja xəbər verir ki, bunu Rusiya baş nazirinin müavini Aleksandr Novak hesab edir.

VTB-də minimal faiz dərəcəsi ilə nağd kredit 10.49%-dən

"Hesab edirəm ki, qiymətlərin enməsi bütövlükdə iqtisadiyyat üçün kifayət qədər böyük risklər yaradan bank böhranı ilə bağlıdır. Təbii ki, neft bazarı buna reaksiya verir. Amma gördüyümüz kimi, vəziyyət yaxşılaşır və qiymət artıq bir qədər qalxıb. Fikrimcə, qısamüddətli perspektivdə də əvvəlki səviyyəyə qayıtmalıdır”, - Novak jurnalistlərin ilin ikinci yarısında neftin ucuzlaşmasının sabitləşməsini gözləyirsinizmi sualına cavabında bildirib.

Qeyd edək ki, Bakı vaxtı ilə saat 22:10-da Brent nefti 76 dollardan ticarət olunub.

"Rusiya neft hasilatını azaltmağa hazırlaşır"

"Rusiya fevralda gündəlik 10,2 milyon barel neft hasil edib, martda bu səviyyədən gündəlik 500 min barel azalacaq", - Baş nazirin müavini Aleksandr Novak bildirib.

Rusiya Federasiyasının orta gündəlik neft hasilatı sutkada 9,7 milyon barel olmalıdır.

Bundan əlavə, baş nazirin müavini bildirib ki, Rusiya Federasiyası OPEC+ sazişinə düzəlişlər etmək üçün təkliflər almayıb. Onun sözlərinə görə, bütün iştirakçılar ilin sonuna qədər mövcud müqavilələrin yerinə yetirilməsinə yönəlib.

Novak çərşənbə axşamı bildirib ki, Rusiyanın gündəlik neft hasilatını könüllü olaraq 500 min barel azaltması ilə bağlı qərar uzadılıb və 2023-cü ilin iyun ayının sonuna qədər qüvvədə qalacaq. Əvvəllər yalnız mart ayı üçün qəbul edilmişdi. Onun məqsədi bəzi ölkələr tərəfindən Rusiya nefti və neft məhsulları üçün tavan qiymət mexanizminin tətbiqi fonunda bazar münasibətlərinin bərpasına yardım etməkdir.

Qərbin neft sanksiyaları dekabrın 5-də qüvvəyə minib: Avropa İttifaqı dəniz yolu ilə daşınan Rusiya neftini qəbul etməyi dayandırıb. G7 ölkələri, Avstraliya və Aİ isə Rusiyadan sığortalanmış neftin barrelini 60 dollardan yuxarı qiymətə daşımasını qadağan edib.

23.03.2023 22:12

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az