Dünyanın ən böyük fond menecerindən maliyyə böhranı xəbərdarlığı

Dünyanın ən böyük fond menecerindən maliyyə böhranı xəbərdarlığı

Dünyanın fond idarə edilməsi üzrə ən böyük şirkəti olan "Blackrock"un baş direktoru Larri Fink xəbərdarlıq edib ki, bank böhranı əvvəlki böyük böhranlara bənzəyir və 3 iflasla məhdudlaşa bilməz.

Dünyanın ən böyük fond menecerindən maliyyə böhranı xəbərdarlığı

"BlackRock"un baş icraçı direktoru Larri Fink (Larry Fink), bank böhranının ABŞ-ın Silikon Vadisi Bankının iflasından kənara çıxa biləcəyini və on ildən artıq bir müddətdə asan pul və aşağı faiz dərəcələri zamanı maliyyə sistemindəki "çatlar" ilə bağlı yüksək narahatlıqları artıra biləcəyini söyləyib.

Marja xəbər verir ki, dünyanın ən böyük fond idarəetmə şirkəti olan "BlackRock"un Baş direktrou Larri Fink, "Dominolar aşmağa başlayırmı? Zərərin nə qədər geniş yayıldığını bilmək hələ tezdir", - deyib.

“Son iflaslar əvvəlki böyük böhranları xatırladır”

70 yaşlı Baş direktor hələlik problemin tənzimləyici qurumların tədbirləri ilə nəzarət altında olsa da, "Silicon Valley Bank" və "Signature Bank"ın keçən həftəki iflasları,1980-ci və 1990-cı illərin əvvəllərindəki əmanət və kredit böhranı və "Orange County California"nın 1994-cü ildəki iflası daxil keçmişdəki heyrətamiz maliyyə böhranlarını xatırladır.

"Asan, həm də ucuz pul və tələb dəyişikliklərinin (tənzimləyicilərin tələbləri - red) nəticələrinin ABŞ-ın regional bank sektorunda (S&L böhranına bənzər) daha çox müsadirə və iflasa gətirib çıxaracağını hələ bilmirəm", - Fink deyib.

Fink, bəzi bankların balans hesabatlarını dəstəkləmək üçün kredit verməyi dayandırmalı olacağını və tənzimləyicilərin daha sərt kapital tələbləri tətbiq edəcəyini bildirib.

"Blackrock"un Baş direktoru, iqtisadiyyat və maliyyə sisteminin yüksək inflyasiya və FED-in faiz artımı ilə yeni dövrə daxil olduğunu bildirib. Fink, yaxın bir neçə il ərzində inflyasiyanın 3,5 faiz və ya 4 faizə yaxın qalacağını söyləyib.

Son 10 il ərzində BlackRock-un idarə etdiyi müştəri aktivləri 8,6 trilyon dollara qədər artıb.

15.03.2023 20:17

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az