2008-ci il böhranını proqnozlaşdıran investor Maykl Burri (Michael Burry) Silikon Vadisi Bankının (SVB) menecerlərini ehtiyatsızlıqlarına görə tənqid edib və onların fiaskolarını "dot-com" və ipoteka böhranı ilə müqayisə edib.

Marja xəbər verir ki. bu barədə "Insider" yazıb. 

"2000, 2008, 2023-cü illər həmişə eynidir. Nəfiskir insanlar axmaq risklərə gedir və uğursuzluğa düçar olurlar", - o, Twitter-də yazıb. Daha sonra o, mesajı silib.

Onun fikrincə, SVB bir neçə səbəbdən uğursuz oldu. Birincisi, bank böyük həcmdə sığortalanmamış əmanətlərə sahib idi. Digər tərəfdən bank, vençur kapitalı ilə dəstəklənən və pula ehtiyacı olan şirkətlərdən ibarət müştəri bazasına malik idi. Maliyyə təşkilatı FED-in il ərzində faiz dərəcələrini demək olar ki, sıfırdan 4,5 faizə qaldırmasından sonra ucuzlaşan uzunmüddətli istiqrazları da alıb.

Artan faiz dərəcələri SVB-nin istiqraz portfelinə son bir ildə zərbə vurub. FED-in aqressiv siyasəti 2 illik ABŞ dövlət istiqrazlarının gəlirliliyini 5%-dən yuxarı qaldırıb. İstiqraz qiymətləri gəlirlilik yüksəldikdə düşür.

Bankın maliyyə hesabatına görə, 21 milyard dollarlıq istiqraz portfeli 1,8% gəlirli olub. İstiqrazların böyüh hissəsi 3 illik olub. SVB-nin 2022-ci ildən əvvəl istiqrazları almasından sonra iqtiqraz qiymətləri kəskin şəkildə aşağı düşüb.

Həmçinin SVB vençur və özəl texnoloji şirkətlərə kredit vermək biznes modelinə görə təzyiq altında olub. Səhmlər 2022-ci ildə "ayı" bazarına daxil olub, səhmlərə olan maraq azalıb.

İnvestor 2001-ci və 2002-ci il hadisələri, uğursuz maliyyə spekulyasiyaları ucbatından iki böyük korporasiyanın iflasının bütün maliyyə bazarı üçün böyük itkilərə səbəb olduğu vəziyyət ilə mövcud vəziyyət arasında müqayisə aparıb. O, SVB-ni 2001-ci ildə maliyyə fırıldaqları səbəbindən iflasa uğramış enerji nəhəngi "Enron" ilə müqayisə edib. Burrinin fikrincə, spekulyativ fəaliyyətinə görə SVB təcrid olunmuş problem olaraq qalmayacaq, çox güman ki, Amerika maliyyə bazarında zəncirvari reaksiyaya səbəb olacaq.

"Zaman keçdikcə daha bir böyük şirkət çökəcək. Səbir", - o yazıb.

Burri bir neçə ildir ki, maliyyə bazarları və ABŞ iqtisadiyyatı ilə bağlı investorlara xəbərdarlıq edir.