Rusiya ilk dəfə Hindistanın ən böyük 5 ticarət tərəfdaşı siyahısına daxil olub

Rusiya ilk dəfə Hindistanın ən böyük 5 ticarət tərəfdaşı siyahısına daxil olub

Rusiya ilk dəfə Hindistanın ən böyük 5 ticarət tərəfdaşı siyahısına daxil olub

Rusiya ilk dəfə Hindistanın ən böyük beş ticarət tərəfdaşı siyahısına daxil olub. İki ölkə arasında ticarət dövriyyəsi 39,8 milyard dollar təşkil edərək rekord həddə çatıb.

Marja xəbər verir ki, Hindistan Sənaye və Ticarət Nazirliyinin məlumatına görə, 2022-ci ilin aprelində başlayan və 2023-cü ilin martında başa çatacaq maliyyə ilinin on ayının nəticələrinə əsasən, Rusiya Hindistanın əsas ticarət tərəfdaşları siyahısında beşinci yerdədir.

VTB-də minimal faiz dərəcəsi ilə nağd kredit 9.9%-dən

Əvvəlki maliyyə ilində (2021-ci ilin aprelindən 2022-ci ilin martına qədər) Rusiya 25-ci yerdə idi.

Rusiyanın mövqesinin yaxşılaşması iki ölkə arasında ticarət dövriyyəsinin kəskin artması ilə bağlı olub: əgər ötən maliyyə ilində bu, cəmi 13,1 milyard dollar idisə, cari maliyyə ilinin on ayında (2022-ci ilin aprelindən 2023-cü ilin yanvarına kimi) 39,8 milyard dollara çatıb. Eyni zamanda Hindistan bu müddət ərzində Rusiyaya 2,5 milyard dollarlıq mal ixrac edib, 37,3 milyard dollarlıq məhsul idxal edib. Nəticədə Hindistanın ticarət kəsiri 34,8 milyard dollar təşkil edib.

Bu maliyyə ilində Hindistanın ən böyük ticarət tərəfdaşları 108,4 milyard dollar ticarət dövriyyəsi ilə ABŞ, Çin (95,9 milyard dollar), Birləşmiş Ərəb Əmirlikləri (70,2 milyard dollar) və Səudiyyə Ərəbistanı (44,3 milyard dollar) olub. Eyni zamanda, Hindistanın ABŞ-dan başqa bütün əsas tərəfdaşları ilə ticarət kəsiri var.

11.03.2023 10:04