Fitch 2023-cü ildə qlobal iqtisadi artım proqnozunu 2%-ə qaldırıb

Fitch 2023-cü ildə qlobal iqtisadi artım proqnozunu 2%-ə qaldırıb

Fitch 2023-cü ildə qlobal iqtisadi artım proqnozunu 2%-ə qaldırıb

“Fitch Ratings” beynəlxalq reytinq agentliyi bu il qlobal ümumi daxili məhsulun (ÜDM) artımı proqnozunu dekabrdakı 1,4%-dən 2%-ə yüksəldib.

Marja-nın məlumatına görə, Agentlik bildirib ki, yaxın müddətli perspektivdə yaxşılaşma Çinin COVID-19-dan sonra açılmasını, Avropa qaz böhranının əhəmiyyətli dərəcədə yumşalmasını, eləcə də ABŞ-ın istehlakçı tələbatındakı təəccüblü dayanıqlığını əks etdirir.

Fitch indi 2023-cü ildə qlobal iqtisadi artımı 2% səviyyəsində proqnozlaşdırır. Dekabrda agentliyin proqnozu 1,4% idi.

Fitch-in gözləntilərinə görə, 2023-cü ildə ABŞ-ın ÜDM-i əvvəllər proqnozlaşdırıldığı kimi 0,2% deyil, 1% artacaq. Bu il Çin iqtisadiyyatı üçün artım proqnozu da 4,1%-dən 5,2%-ə qaldırılıb. Avrozonada ÜDM artımı proqnozu dekabrdakı 0,2%-dən 0,8%-ə yüksəldilib.

Agentlik yazır ki, qlobal inflyasiya özünün pik həddini keçib, lakin baza inflyasiyası yüksək olaraq qalır. ABŞ Federal Ehtiyat Sistemi (FED) və Avropa Mərkəzi Bankı (ECB) inflyasiyanın indiki səviyyələrdə möhkəmlənəcəyindən ehtiyat edirlər. Fitch əlavə edir ki, əmək bazarında balanssızlıqlar davam edir.

Agentlik FED-in uçot dərəcəsinin pik səviyyəsinin 5,5% olacağını proqnozlaşdırır ki, bu da dekabr ayı proqnozundan 0,50 faiz bəndi çoxdur. ECB-nin maksimum dərəcəsi ilə bağlı proqnoz 1,00 faiz bəndi artırılaraq 4%-ə çatdırılıb. İndi Amerika tənzimləyicisinin baza faiz dərəcəsi 4,5-4,75%, Avropa tənzimləyicisinin isə 3% səviyyəsindədir.

11.03.2023 09:53